Mau hōho’a nō te faʼaroʼo
Ilir Dodaj
Durrës, Albania
Tē hi’opo’a nei Ilir i tāna mau mauha’a ’a fāito ai tāna tamaiti i tōna roa.
Tē tuturi nei Ilir ’e tāna vahine ’o Gjystina nō te pure ’e tā rāua mau tamari’i.
’Ua fa’a’ite te tāvinira’a a Ilir ’ei ’episekōpo i te hō’ē hi’ora’a maita’i nō tāna tamāroa, tei parau ē : « E ’itera’a pāpū pūai tō’u. ’Ua here au i tō’u ’utuāfare ’e tē pure nei au i te mau mahana ato’a nō te mau ta’ata e tītau nei i te tauturu ».
Tē haere nei Ilir ’e tāna tamaiti nā ni’a i te purumu nō Durrës.
’Ua riro ’o Ilir ’e ’o Gjystina ’ei melo nō te ’Ēkālesia 10 matahiti i teie nei.
E ’ere i te mea ’ōhie i te mau taime ato’a, terā rā, ’ei metua tāne ’e ’ei ’episekōpo, ’ua tāmata ’o Ilir Dodaj i te fa’a’ite i tāna mau tamari’i ē, e mea faufa’a te tāvinira’a.
Cody Bell, ta’ata pata hōho’a
Tē vai ra hō’ē tuahine ruhiruhia i roto i te pāroita e ma’i māriri ’aita’ata tōna i tōna fa’ari’i mā’a, ’ua hina’aro ’oia i te tauturu i te mau mahana ato’a nō te mea, e’ita tāna e nehenehe e haere i rāpae i tōna ro’i. I te hope’a, ’ua ani ’oia ē, e nehenehe ānei ’o vau ana’e tē haere, ’eiaha tē tahi atu taea’e ’autahu’ara’a ’e ’aore rā, tē tahi atu ta’ata, nō te mea e mea ’ino roa tōna ma’i, ’e ’ua fātata ’oia i te pohe. ’Ua au ’oia ’ia haere mai tōna ’episekōpo e tauturu iāna.
I te hō’ē mahana ’ua tāpūhia tō’u māfatu, ’e ’aita atura i ti’a iā’u ’ia haere e hi’o iāna nō tē tahi tau taime ri’i. I tō’u ho’i-fa’ahou-ra’a e hi’o iāna, nā ’o mai nei ’oia ē : « Bishop, e aha ’oe i haere mai ai e tauturu iā’u, nō tāpū-noa-hia iho nei ’oe ? »
Nā ’ō atura vau iāna ē : « Tō’u pi’ira’a te tāvinira’a ia vetahi ’ē ».
Fa’atata ’oia i te pohe ’e tē ha’amata nei tōna tino i te haere ’ē. E mea fifi roa ’ia ’ite iāna mai te reira te huru, ’aita rā ’oia i mata’u i te pohe. ’Ua here ’oia i te Atua ’e ’ua ’ite ho’i i te fa’anahora’a nō te fa’aorara’a. « ’Ua ’ite au ē, e fa’anahora’a nehenehe tā te Atua nō’u », tāna ïa i parau.
I tōna fa’aru’era’a mai, ’ua feruri au i ni’a i te mau mea tā’u i ’ite nō ni’a iāna ’e te maita’i o tō’u pi’ira’a ’ei ’episekōpo. Tē ’oa’oa nei au ’ia tāvini ia vetahi ’ē, ’ia here ia vetahi ’ē, ’e ’ia tauturu ia rātou. ’Ua here au i te ’evanelia.