Gipasayon nga Gabii sa Templo: 6 Ka mga Tip sa Paghimo sa mga Temple Trip nga mas Sayon
Adunay minilyon ka mga butang nga makapugong ninyo sa pag-adto sa templo. Ang pagbaton og kalendaryo sama niini mao lang ang usa sa mga tip aron mas masayon ang pag-adto didto nga among nakolekta human mangayo sa inyong mga ideya diha sa Facebook. Naggahin man kamo og panahon sa inyong busy nga iskedyul sa pag-adto nga kamo ra o sa pagkuyog og higala aron dili sila ra ang moadto, kini nga mga tip makatabang ninyo nga makadawat og mga panalangin sa pagtambong sa templo kanunay.
Alang sa mga Pamilya nga dunay mga Bata
Himoa ang date night nga gabii diha sa templo. Pulihi ang usa sa inyong mga gabii nga date sa pagbisita ngadto sa templo. Bisan unsang plano ang inyong himoon alang sa pag-atiman sa bata kon ikaw ug ang imong kapikas mag-date mahimong mao ra samtang kamo motambong sa sesyon sa templo imbis manihapon sa gawas ug manan-aw og sine. Ikaw ug ang imong kapikas makagahin gihapon og kalidad nga panahon, uban sa nadugang nga panalangin sa pagtambong sa templo.
Magpuli-puli: Pangita og laing pamilya nga andam nga moiskedyul og playdate uban sa inyong nga anak samtang nagtambong kamo sa templo, dayon pulihi ug buhata ang ingon alang kanila.
Piknik ug pagdula: Sama sa pamilya gikan sa artikulo “Usa ka Gisaad nga Panalangin sa Pagtambong sa Templo,” himoa kini nga usa ka tibuok adlaw o sa katapusan sa semana nga biyahe. Dad-a ang tibuok pamilya; usa ka ginikanan motambong sa sesyon sa templo samtang ang lain modala sa mga bata nga magpiknik o mangaon o mag-snack. Dayon kana nga ginikanan motambong og usa ka seyson samtang ang nahauna modala sa mga bata nga magdula sa parke o maglakaw-lakaw libut sa nataran sa templo.
Alang sa Tanan
Paggahin og panahon: Kon ang inyong panahon ug nahimutangan motugot, paghimo og regular nga iskedyul sa pagbisita sa templo (sinemana, binulan, tinuig). Ang regular nga pagbisita makapahimo ninyo sa pagplano niini ug makatabang ninyo nga unahon ang pagtambong sa templo.
Pasalig: Paghimo og panahon ug pasalig niini. Kon naglisud mo sa pagpangita og panahon sa inyong iskedyul, sulayi ang sayo sa buntag, ang mga templo dili kaayo busy sa sayo sa buntag.
Pangita og kauban: Kon maglisud ka nga motambong sa templo nga ikaw ra, pangita og kauban nga mokuyog kanimo! Ayaw kahadlok sa pagkontak sa mga home teacher, mga visiting teacher, o ubang mga miyembro sa ward ug mohangyo nila nga motambong sa templo uban nimo.