Mateuteu ke Tokoni!

Mālō e Lelei, ko hoku hingoá ko ʻĒlone, mei Pilītisi Kolomupia, Kānata. ʻOku ou feinga ke ulo atu ʻeku māmá ʻaki ʻeku mateuteu ke tokoni! Kapau ʻoku ʻi ai ha ngāue ke fai, Kuó u mateuteu!

Ngaahi Lea Fakafonua ʻe Tolu

Ko ʻeku tangataʻeikí mei Hongo Kongo, pea ko ʻeku faʻeé mei Suangisī, Siaina. ʻOku ou lea ha ngaahi lea fakafonua ʻe tolu—Kenitonisi, Menitulini mo e lea faka-Pilitāniá. ʻI homau koló, ʻoku lea faka-Kenitonisi mo Menitulini ʻi he houalotu sākalamēnití, pea mau fakataha ʻi he Palaimelí mo ha kolo lea faka-Pilitānia.

Tokotaha Tokoni ʻi he Tohi Himí

ʻOku ou tokoni ki he kau faifekaú ʻi he Sāpate kotoa pē ʻi hono tufa ʻo e ngaahi polokalamá. ʻOku ou fakapapauʻi ʻoku maʻu ia ʻe he tokotaha kotoa pē. Kapau ʻoku ʻi ai ha taha ʻoku ʻikai ke ʻi ai haʻane tohi himi, te u ʻave leva haʻane himi kae lava ke hiva.

Ko Hono Fakahoko Iá

Te u nofo maʻu pē ʻo tokoni ʻi hono fakamāʻopoʻopo e ʻū seá mo e tēpilé ʻi he taimi ʻoku faʻa fai ai ha ngaahi ʻekitivitī ʻi he falelotú. ʻOku ou manako ke vahevahe ʻeku kiʻi leá ʻi he taimi ʻoku fai ai e polokalama Palaimelí ʻi he houalotu sākalamēnití.

Faifekau he Kahaʻú

ʻOku ou vēkeveke ke u ngāue fakafaifekau ʻi ha ʻaho. Naʻe talamai ʻe heʻeku faiako Palaimelí te mau lava ke fakahū ha paʻanga he taimí ni. Ko ia ai kuó u tānaki ʻeku paʻanga ki he ngāue fakafaifekaú ʻi ha kiʻi puaka tānaki paʻanga.

Lotu mo e Kui Tangatá

ʻOku ou ʻilo ʻoku mahuʻinga fau ʻa e lotú. ʻI he taimi naʻe mavahe ai ʻeku ongomātuʻá mei ʻapí, naʻá ku fakapapauʻi maʻu pē naʻe fai ʻemau lotú ʻi he taimi naʻe haʻu ai ʻeku kui tangatá ke mau nofo mo hoku tuofefiné.