Ngaahi Ngāue ʻa e Kau Palesitenisī Faka-ʻĒliá

ʻOku Tokangaʻi ʻe he Kau Palesitenisī Fakaʻēliá He Taimí Ni ʻa e Ngaahi ʻĒlia ʻAmelika Noaté

Kuo fanongonongo ʻe he Kau Palesitenisī ʻUluakí ko e ngaahi ʻēlia ʻi he ʻIunaiteti Siteití mo Kānata—ʻa ia naʻe tokangaʻi kimuʻa ʻe he kau mēmipa ʻo e Kau Palesitenisī ʻo e Kau Fitungofulú—ʻe tokangaʻi ia ʻe he kau Palesitenisī Fakaʻēlia. ʻE hoko e ngaahi liliu ko ʻení ʻi he ʻaho 1 ʻo ʻAokosí.

Naʻe pehē ʻe Palesiteni M. Lāsolo Pālati, Palesiteni Leʻoleʻo ʻo e Kōlomu ʻo e Kau ʻAposetolo ʻe Toko Hongofulu Mā Uá, “ʻOku hoko hono fokotuʻu ha Kau Palesitenisī Fakaʻēlia ki he ʻIunaiteti Siteití mo Kānatá ko ha konga mahuʻinga ʻo ʻetau laka ki muʻá.” “ʻOkú ne fakaʻatā e kau Taki Māʻolungá ke nau tokanga taha ki ha ngaahi fie maʻu pau ʻo e ʻēlia takitaha, mo ʻoange ha ngaahi faleʻi mo ha fakahinohino ki he kau taki fakaʻēliá mo e fakalotofonuá. Te ne fakaʻatā foki e Kau Palesitenisī ʻo e Kau Fitungofulú ke nau tokoni lahi ange ki he Kōlomu ʻo e Toko Hongofulu Mā Uá ʻi honau fatongiá mo fakahoko ha ngaahi ngāue kehe.”