Ngaahi Talanoa Mei he Folofolá
Tēvita mo Kolaiate
Mei he 1 Samuela 17.
Ko Tēvitá ko ha kiʻi tamasiʻi ia naʻá ne tauhi ʻa e fanga sipí. Ko hono ngaahi taʻoketé ko e kau sōtia ne nau feinga ke maluʻi honau kakaí. ʻI ha ʻaho ʻe taha, naʻe fekauʻi ai ʻe he tamai ʻa Tēvitá ke ne ʻave ha meʻakai ki hono ngaahi taʻoketé.
ʻI he taimi naʻe aʻu atu ai ‘a Tēvitá, naʻá ne sio ki ha sōtia saiāniti ko hono hingoá ko Kolaiate. Naʻe pehe ʻe Kolaiate, kapau ʻe ʻi ai ha taha te ne lava ʻo ikunaʻi ia, ʻe ʻosi e taú. Ka naʻe ʻikai ke ʻi ai ha taha ʻe loto toʻa feʻunga ke tauʻi ia.
Naʻe pehē ʻe Tēvita te ne tau mo Kolaiate. Ne talaange ʻe he tuʻí kia Tēvita ʻikai. Ko Tēvitá ko ha kiʻi tamasiʻi ka ko Kolaiaté naʻe mālohi mo kaukaua! Ka naʻe ʻiloʻi ʻe Tēvita ʻe tokoniʻi ia ʻe he ʻOtuá. Fāifaí, pea folofola ange e tuʻí, “ʻAlu, pea ʻe ʻiate koe ʻa e ʻEikí.”
Naʻe ʻikai ke tui teunga tau ʻa Tēvita ʻo hangē ko Kolaiaté. Naʻá ne toʻo ha foʻi maka ʻo ai ia ki heʻene makataá. Naʻa ne lisingi ʻa e foʻi maká ki he foʻi laʻe ʻo Kolaiaté. Ne tō ʻa Kolaiate! Kuo ikuna ʻa Tēvita. Kuó ne fakahaofi hono kakaí.
Taimi ʻe niʻihi ʻoku ou fehangahangai ai mo ha ngaahi palopalema lahi, mo fakailifia. Ka ko e taimi ʻoku ou kole tokoni ai ki he ʻOtuá, te Ne tokoniʻi au ke u mālohi.