Fa’aō ia ’outou i roto i te ’ohipa nō ni’a i te buka hīmene ’āpī ’e te buka hīmene nā te mau tamari’i

Tē fa’aineine ra te ’Ēkālesia i te nene’ira’a ’āpī nō Te mau hīmene ’e te Buka hīmene nā te mau tamari’i ’e tē ’imi nei te ’Ēkālesia i te tahi mau mana’o ’e te tahi mau hīmene mai roto mai i te mau melo i te mau vāhi ato’a.

I ni’a ia PeheApi.lds.org, e ti’a ia ’outou ’ia :

Tu’u i tō ’outou mana’o—te mau hīmene ’aore rā te mau hīmene tamari’i tā ’outou e au roa nei, e mau hīmene nā te ’Ēkālesia ānei ’aore rā ’aita, te mau hīmene ’aore rā te mau hīmene tamari’i ’eiaha e tu’u i roto i te buka, te mau fifi nō ni’a i te mau buka hīmene i teienei, ’e te tahi noa atu mana’o.

Tu’u i tā ’outou iho mau mātēria—te mau hīmene, te mau parau nō te hō’ē hīmene, te mau hīmene tamari’i ’aore rā te mau parau nō te hō’ē hīmene tamari’i. Tītauhia ’ia tano te pehe nō te mau purera’a. E hi’ohia te huru paraparau ’e te huru peu. E nehenehe te tamari’i i raro a’e i te 18 matahiti e tu’u mai i tāna mātēria mai te peu e hāpono mai rātou i te parau fa’ati’a a te metua ’aore rā te ta’ata e tīa’i nei ia rātou. E fāri’ihia te mau mātēria nā mua a’e i te 1 nō Tiurai 2019.