Elder Brook P. Hales

Hitu ’Ahuru Huimana fa’atere rahi

I te va’ura’a ’aore rā te ivara’a tōna matahiti, tei roto ’o Elder Brook P. Hales i te hō’ē purera’a ha’apaera’a mā’a ’e te ’īritira’a mana’o, nā tōna metua tāne i peresideni ’ei ’episekōpo. ’Ua ani tōna metua tāne i te ’āmuira’a ’ia haere mai e hōro’a i tō rātou ’itera’a pāpū, ’e fātata pauroa te ta’ata tei haere mai e hōro’a i tō rātou ’itera’a pāpū. « ’O te taime mātāmua paha vau i putapū ai i tō te Vārua fa’a’itera’a fa’a’itera’a iā’u i te parau mau o te ’evanelia », tē ha’amana’o ra Elder Hales.

’E mai terā taime ’ua putapū ’oia i te reira fa’a’itera’a e rave rahi taime, i tōna iho ā rā tāvinira’a ’ei pāpa’i parau nō te Peresidenira’a Mātāmua, mai te matahiti 2008 ra. I te pāturura’ahia te peresideni Thomas S. Monson ’ei peropheta ’e ’ei Peresideni o te ’Ēkālesia, ’e fa’ahou ā i te pāturura’ahia te peresideni Russell M. Nelson, ’ua ’ite ’oia i te « pereue o te peropheta i te ma’irira’a i ni’a i teie nā ta’ata tāta’itahi, ’ua ’ite atura vau ma te fē’a’a ’ore ē, ’ua mā’itihia rāua ’e ’ua pi’ihia nō te riro ’ei Peresideni o te ’Ēkālesia nō terā tau ta’a ’ē. »

’Ua pi’ihia Elder Hales ’ei Hitu ’Ahuru Huimana fa’atere rahi i te 17 nō Mē 2018, ’e ’ua pāturuhia i te 6 nō ’Ātopa 2018. E tāmau ā ’oia i te riro ’ei pāpa’i parau nō te Peresidenira’a Mātāmua.

’Ua fānauhia ’oia i Ogden, Utah (Marite) i te 7 nō ’Ēperēra 1956, e Klea ’e Glenn Phillip Hales, e parau tū’ite nō te fare moni ’e te ’ohipa moni tā Elder Hales nō te fare ha’api’ira’a Weber State College (i teienei Weber State University) i te matahiti 1980. I te noa’ara’a tāna parau tū’ite, ’ua ’ohipa ’oia i roto i te mau fare moni ’e i roto i te tuha’a moni ’e te parau melora’a a te ’Ēkālesia. ’Ua fa’aipoipo ’oia ia Denise Imlay Hales i te matahiti 1981, ’e e maha tamari’i tā rāua. ’Ua tāvini Elder Hales i te hō’ē misiōni rave tāmau i te misiōni nō Paris (Farāni), ’ei tauturu i roto i te ’episekōpora’a, ’ei tīa’i pupu tahu’a rahi, ’ei ’episekōpo, ’ei peresideni titi, ’ei fa’ata’i hāmonia nō te autahu’ara’a, ’ei ’orometua Ha’api’ira’a Sābati ’e ’ei ta’ata tā’ati i roto i te hiero.

I terā mahana ra i tōna ’āpīra’a, ’aita ’o Elder Hales i hōro’a i tōna ’itera’a pāpū. ’Ua pūai roa mai rā te reira i teienei. « ’Ua fa’aho’i-fa’ahou-hia mai te ’evanelia a Iesu Mesia nā roto i te peropheta Iosepha Semita, e parau mau te Buka a Moromona, ’ua here te Atua ia tātou i te here maita’i roa ’e ’ua hina’aro roa ’oia e ha’amaita’i ia tātou, ’o Iesu tō tātou Fa’aora, ’e ’ua ha’amaita’ihia tātou tē vai nei te fa’ahoara’a tāmau o te Vārua Maita’i ’ia vai ti’amā tātou nō te reira », ’o tāna i parau.