Nō te aha e rurura’a tā tātou nā te pupu Autahu’ara’a ’e nā te Sōtaiete Tauturu ?

I teie mau mahana hope’a nei, ’ua fa’aho’i mai te Atua i te autahu’ara’a ’e ’ua fa’anaho i te mau pupu autahu’ara’a ’e te Sōtaiete Tauturu nō te tauturu i te fa’atupu i tāna ’ohipa nō te fa’aorara’a. Nō reira, i te mau sābati ato’a ’ia ruru ana’e tātou te pupu peresibutero ’e te Sōtaiete Tauturu, e ’āparau tātou ’e e fa’anaho ho’i e aha tā tātou e rave nō te tauturu i te fa’atupura’a i te ’ohipa a te Atua. Nō te ha’amanuia i te reira, tītauhia i teie mau rurura’a ’ia hau atu i te ha’api’ira’a noa. E mau rāve’a te reira nō te ’āpo’o nō ni’a i te ’ohipa fa’aorara’a, nō te ’apo ’āmui nō ni’a i terā ’ohipa mai roto mai i te mau ha’api’ira’a a te feiā fa’atere o te ’Ēkālesia ’e nō te fa’anaho ia tātou nō te fa’atupura’a i te reira.