Tārena ’āpī nō 2019

Ha’amata i te ’āva’e Tēnuare 2019, e ravehia te mau rurura’a pupu peresibutero ’e Sōtaiete Tauturu i te piti noa ’e te maha o te sābati o te ’āva’e tāta’itahi. E rōtahi teie mau rurura’a i ni’a i te mau a’ora’a o te ’āmuira’a rahi i tupu a’enei. E ’itehia te tahi mau mana’o nō teie mau rurura’a i roto i nā ve’a te Liahona nō Mē ’e nō Novema ’e i roto i te fa’anahora’a Vaira’a buka ’evanelia.

Te tahi ato’a mau tauira’a nō te matahiti 2019 :

• E fa’a’orehia te mau rurura’a ’āpo’ora’a nō te sābati mātāmua. Terā rā, mai te mea e hina’arohia, e nehenehe te mau pupu peresibutero ’e te mau Sōtaiete Tauturu e fa’a’ohipa i te hō’ē taime o te rururaa nō te piti ’aore rā te maha o te sābati nō te ’āpoo nō ni’a i te hō’ē tumu parau faufa’a rahi.

• E’ita e ravehia te mau purera’a ha’amatara’a i reira te mau pupu autahu’ara’a a Aarona ’e a Melehizedeka e ruru ’āmui ai, nā reira ato’a nō te mau tuahine o te Sōtaiete Tauturu ’e o te feiā ’āpī tamāhine.

• E’ita te mau rurura’a pupu peresibutero ’e Sōtaiete Tauturu e ha’amata nā roto i te hō’ē hīmene ’e te hō’ē pure, e fa’aoti rā nā roto i te hō’ē pure.