Roma, Italya

Kon ang Rome Italy Temple ipahinungod sa semana sa Marso 10–12, 2019, ang mga Santos sa Ulahing mga Adlaw sa tibuok kalibutan magmaya, ilabi na ang mga Santos sa Italy. Unsa ang mas makahuluganon nga edipisyo nga madawat sa “mahangturong siyudad” kay sa balay sa Ginoo?

Ang templo, ang una sa Italy, nahimutang sa amihanang silangan nga bahin sa Roma. Kabahin kini sa sentro sa relihiyon ug kultura nga naglakip sa daghan og gamit nga meetinghouse (dunay cultural hall ug mga pasilidad alang sa mga komperensya), usa ka sentro sa mga bisita, sentro sa family history, ug patron housing, ang tanan gilibutan sa mga tanaman.

Ang misyonaryo nga paningkamot sa Italy nagsugod niadtong 1850, apan ang kauswagan nahunong tungod sa kalihokan nga batok sa Simbahan ug estrikto kaayo nga legal nga mga kinahanglanon. Ang Simbahan sa katapusan gitugutan nga mopadayon sa misyonaryo nga paningkamot niadtong 1964. Niadtong 1993, ang Italy mihatag og pormal nga legal status sa Simbahan. Niadtong 2012, ang Simbahan nakadawat og official status isip “kauban sa estado,” nga nagtugot sa Simbahan og mas dako nga kagawasan sa paghimo og dugang nga kaayohan isip usa ka simbahan ug isip usa ka sosyal nga institusyon.

Karon dul-an sa 27,000 ka mga Santos sa Ulahing mga Adlaw sa Italy ang mag-abut sa 101 ka kongregasyon.
Si Presidente Thomas S. Monson (1927–2018) midumala sa 2010 nga groundbreaking alang sa Rome Italy Temple, nga gitambongan usab sa bise-mayor sa Roma.
Adunay duha ka misyon sa Italy: ang Italy Milan Mission ug ang Italy Rome Mission.