Mag-anad sa Komperensya

Moabut kini matag Abril ug matag Oktubre. Tingali naanad na kamo sa katunga sa tuig [semiannual]. Apan unsaon ninyo sa pagsiguro nga kini kabahin gayud sa inyong kinabuhi—sa nahibiling mga adlaw sa inyong kinabuhi?

Sa umaabut, kon kamo na lang, unsay inyong buhaton matag unom ka bulan kon moabut na ang komperensya? Paghimo og pagpili karon sa pag-angkon sa gahum niining kaduha sa usa ka tuig nga kalihokan pinaagi sa pag-apil. Ayaw lang pag-ingon, “Motan-aw ra ko sa online unya.” Himoa kini nga espesyal nga kalihokan ug kinaiya sa inyong kinabuhi.

Ania ang pipila ka butang nga inyong mahimo aron mag-anad sa komperensya hangtud sa hangtud:

1. writing down a goal

   Paghimo og tumong.

   Ang pagpaminaw sa buhi nga mga propeta ug mga apostoles mao ang usa sa labing importante nga butang nga inyong mahimo. Paningkamuti ang pagtan-aw sa matag sesyon sa labing daling panahon. Paningkamot sa pagtakda og petsa ug oras nga kamo motan-aw niining tanan.

2. calendar

   Pagtakda sa petsa.

   Kutob sa mahimo, paggahin og panahon sa pagsinati sa komperensya ug limpyohi ang inyong kalendaryo sa bisan unsa nga dula sa sport, mga kalihokan uban sa mga higala, o sa ubang mga makabalda. Kon kamo dili makapaminaw sa komperensya nga kini live, makahimo gihapon kamo sa pagtan-aw ug pagtakda og petsa sa pagtan-aw niini.

3. nachos

   Paghimo og pipila ka tradisyon.

   Ang pipila ka makahuluganong mga tradisyon maglakip sa mga panaghisgutan sa pamilya sa paborito nga mga pakigpulong, pag-ampo sa pamilya sa dili pa ang usa ka sesyon, o pagtigum og koleksyon sa personal nga kinutlo. Makalingaw nga mga tradisyon maglakip sa pagkaon—tingkaon o mga snack nga makalingaw, mga ngalan kalabut sa komperensya (kagumkom sa komperensya, nachos grandes de conferencia, makadasig nga ice cream, o conference carrots).

4. conference issue of the magazine

   Paghimo og plano human sa komperensya.

   Himoa ang mga pakigpulong sa komperensya nga kabahin sa inyong regular nga pagtuon sa ebanghelyo. Mahimo kamong mobasa sa pakigpulong sa komperensya matag Dominggo sulod sa mosunod nga unom ka bulan, maminaw samtang magsakay sa bus o sa sakyanan kada adlaw sulod sa duha-lima ka semana, o mangita sa tanang mga kasulatan gikan sa komperensya atol sa personal nga pagtuon sa kasulatan. Bisan unsa ang inyong mahukman, paghimo og plano sa pagbuhat niini.

Presidente Russell M. Nelson

“Awhagon ko kamo sa pagtuon kanunay sa mga mensahe niining komperensya—gani balik-balikon—sulod sa mosunod nga unom ka bulan. Magmakugihon sa pagpangita og mga paagi sa paglakip niining mga mensahe sa inyong mga family home evening, sa inyong pagtudlo sa ebanghelyo, sa inyong mga panag-istorya sa pamilya ug sa mga higala, ug gani sa inyong mga diskusyon niadtong lahi nato og tinuohan.”

Presidente Russell M. Nelson, “Magpadayon Tang Tanan,” Liahona, Mayo 2018, 118.