Ipakita ug Isulti

Gisaulog namo ang anibersaryo sa Primary pinaagi sa paghimo og pasundayag sa talento uban sa tabang sa mga pamilya ug mga misyonaryo. Ang matag pamilya modrama sa usa ka istorya gikan sa Basahon ni Mormon.

Kalihokan sa Primary, Cali Colombia Colima Stake

Ang akong bunyag espesyal kaayo kanako. Nag-ampo ko uban sa akong mama nga ang akong papa mohatag nako og pagtugot nga mabunyagan. Ang Langitnong Amahan mitubag sa akong mga pag-ampo, ug ang akong papa mihatag nako og pagtugot. Nabunyagan ko, ug malipayon kaayo ko nga nahisakop sa bugtong tinuod nga Simbahan sa ibabaw sa yuta, Ang Simbahan ni Jesukristo sa mga Santos sa Ulahing mga Adlaw. Ang akong pagpamatuod nagtubo kada adlaw samtang ako nagkat-on mahitungod sa akong Langitnong Amahan.

Amy V., edad 9, El Oro, Ecuador

Ang akong mga manghud nag-away. Gipahinumduman nako sila nga si Jesus nagtudlo nato nga dili mag-away. Nindot kaayo ang bation nga mahimong maayong ehemplo.

Tequan K., edad 10, Lusaka, Zambia

Nakat-unan namo ang mahitungod sa tayming sa Dios, ang Mga Artikulo sa Hugot nga Pagtuo, ang mga lider sa Simbahan, ang mga basahon sa Basahon ni Mormon, ug ang damgo ni Lehi.

Kalihokan sa Primary, Santiago Spain District