ʻAʻahi ʻa ʻEletā Kuki ki Palāsila

Ne folau ʻa ʻEletā Kuenitini L. Kuki mo Sisitā Mele Kuki ki Palāsila ke ʻaʻahi ki he kāingalotu ʻo e Siasí. Ne na ō ke akoʻi mo vahevahe e ʻofa ʻa Sīsū Kalaisí.

Naʻá na ʻaʻahi ki he fuʻu kolo lahi ko Pelo Holisonitií. Ko e ʻuhinga ʻo e hingoa e koló ko e “ngataʻanga fakaʻofoʻofa ʻo e tahí mo e langí.” Naʻe pehē ʻe ʻEletā Kuki ko e fakaʻofoʻofa taha eni ʻo e tō ʻa e laʻaá kuó ne mamata aí!

Ne haʻu ha kakai tokolahi ke fanongo kia ʻEletā Kuki ʻi ha konifelenisi fakasiteiki. Naʻá ne fakaafeʻi e taha kotoa ke nau hoko ko ha maama. ʻOku ʻuhinga ia ke nau tā sīpinga lelei mo tokoniʻi e niʻihi kehé, ʻo hangē naʻe fai ʻe Sīsuú.

Ne fiefia ʻaupito e fānaú ke feʻiloaki mo ha ʻAposetolo ʻa e ʻOtuá!

Ne ʻaʻahi ʻa ʻEletā mo Sisitā Kuki ki ha senitā akoʻanga fakafaifekau. ʻOku vahevahe ʻe he kau faifekaú e maama ʻa Sīsū Kalaisí he ʻaho kotoa pē!

ʻE founga fēfē haʻo hoko ko ha maama ʻi ʻapi, ʻi ho ngaahi kaungāʻapí, mo e akó?

ʻI heʻetau hoko ko ha māmá, ʻoku tau takiekina e māmaní ke lelei ange. —ʻEletā Quentin L. Cook

Faʻu ha kiʻi Maama

ipu pepa

meʻa fakaava pe penivahevahe mata māsila

kasa pe vaʻakau ulo

Fakaʻaongaʻi e meʻa fakaavá pe penivahevahé ke avangi takatakai e ipú. Hokaʻi ha fanga kiʻi foʻi ava ʻi he takelé pe kosiʻi ʻaupito pē ia (kole ki ha taha lahi ke tokoni atu).
Teuteuʻi hoʻo ipú ʻi ha founga pē ʻokú ke saiʻia aí. Hili iá pea faʻo leva e kasá pe vaʻakau uló ʻi he loto ipú.
Tamateʻi e ʻuhilá ka ke sio ki he ulo hoʻo kiʻi māmá!