Mālō e lelei mei he Lepapulika Tominikení!
Mālō e Lelei! Ko Mako au. Ko hoku tuongaʻane eni ko Paoló.
ʻOkú ma ʻaʻahi ki he Lepapulika Tominikení. Haʻu ke tau ʻalu!
ʻOku tuʻu ʻa e Tominikeni Lepapuliká ʻi he ʻOtu Kalipiané. ʻOku tuʻu ia ʻi ha motu fakataha mo e fonua ko Haití. ʻOku nofo ha kakai ʻe toko 10 miliona ʻi he Lepapulika Tominikení, ʻo kau ai ha kau mēmipa ʻe toko 130,000 ʻo e Siasí.
ʻOku nau lea faka-Sipeini ʻi he Tominikeni Lepapuliká. Ko ha kiʻi tamasiʻi eni mo e Libro de Mormón—ko e Tohi ʻa Molomoná.
ʻOku tokolahi ha fānau ʻoku nau manako he vaʻinga peisipoló ʻi he Tominikeni Lepapuliká. Ko e sipoti manakoa taha ia ʻi he fonuá.
ʻOku kai lahi ʻe he kakai ʻo e Tominikeni Lepapuliká ʻa e vesitapoló mo e fuaʻiʻakaú. ʻOku lolotonga inu niu e ongo kiʻi tamaiki tangata ko ení!
ʻOku ʻi ai ha temipale ʻe taha ʻi he Tominikeni Lepapuliká, ʻi Sanitō Tomingikou. ʻOku tohi ai e, “Santidad al Señor: La Casa del Señor.” ʻOku ʻuhinga ia ko e, “Māʻoniʻoni ki he ʻEikí: Ko e Fale ʻo e ʻEikí.”
Ne ʻaʻahi e palōfitá ki he Tominikeni Lepapuliká he taʻu kuo ʻosí peá ne lea faka-Sipeini ki he kakaí.
Fakamālō atu hoʻo fie vakaiʻi e Tominikeni Lepapuliká mo kimauá. Te ma folau leva ki he ʻeva fakafiefia hono hokó!