ʻOku ʻOfa ʻa Sīsū Heʻetau Fānaú

ʻOku ou fakamoleki ha taimi lahi ke u fakakaukau ki he fānaú. ʻOku ou ʻofa he fānau ʻi he siakale hoku fāmilí mo e kaungāmeʻá. ʻIkai ke ngata aí, ʻoku kau ʻi heʻeku ngāue ʻi he makasini ʻa e Siasí ʻa hono faʻu mo ʻētitaʻi ʻa e ʻū peesi maʻá e fānau ʻi he funga ʻo e māmāní. Ka ʻi he ngaahi taʻu kuohilí, naʻá ku ʻiloʻi ai naʻe teʻeki pē ke u ako ʻa e meʻa naʻe akoʻi mai ʻe he folofolá fekauʻaki mo e fānaú. Ko ia naʻá ku fakakaukau leva ke u lau e Fuakava Foʻoú mo e Tohi ʻa Molomoná pea tokanga makehe ki he meʻa te u lava ʻo ako fekauʻaki mo e kulupu makehe ko ʻení.

Ko ha ngāue liliu moʻui moʻoni ia! Ko e taha ʻo e ngaahi moʻoni ne u ʻiloʻí, ko e mahuʻinga tahá ko e maʻu ha mahino lahi ange ki he lahi e tokanga ʻa Sīsū ki he fānaú. Naʻá Ne toutou malanga ki he fānaú ko ha kulupu pau ne vaheʻi mei he niʻihi kehé. Te tau muimui fēfē ki Heʻene tā sīpingá?

ʻOku vahevahe ʻe he fakamatala ne u tohi ʻi he peesi 18 ha konga ʻo e ngaahi lēsoni ne u tufi mei he aʻusia ako folofola ko iá, ʻoku fakatahaʻi ia mo e ngaahi fakakaukau mo e tānaki mei he kau mataotao ʻi he malaʻe ʻo e taʻofi e ngaohikoviá.

ʻOku matuʻaki pelepelengesi ʻa e fānaú. ʻOku ou fakatauange pē te tau fengāueʻaki fakataha ke maluʻi mo fakaivia kinautolu, ʻo ohi hake kinautolu ʻi he founga ʻa Sisuú!

ʻI he ʻofa lahi atu,

Marissa Widdison