Siʻi Ngaahi Mātuʻa,
Ko e taha ʻo e ngaahi tefitoʻi pōpoaki ʻo e Fuakava Foʻoú ko ʻetau malava ke maʻu ʻa e nonga mo e fiefia ʻia Kalaisí, ʻo tatau ai pē pe ʻoku fēfē ʻetau moʻuí. ʻOku vahevahe ʻe he makasini ʻo e māhina ní ha fakamoʻoni tatau.
-
ʻI he peesi K4, ʻoku fakafiemālieʻi ha kiʻi tamasiʻi ʻi he taimi naʻá ne misi kovi aí.
-
ʻI he peesi K8, ʻoku manatuʻi ʻe ha kiʻi taʻahine ʻoku faingataʻaʻia fakaesino (Down syndrome)ʻoku ʻofa ʻa e Tamai Hēvaní ʻiate ia.
-
ʻI he peesi K15, ʻoku akoʻi ʻe ha pousitā ʻoku ala hoko ʻa e meʻa kotoa pē ʻi he tokoni ʻa Sīsū Kalaisí.
-
ʻI he peesi K20–23, ʻoku tā ʻe Paula ha sīpinga ʻo e tuí.
ʻI hoʻomou lau fakataha ʻa e makasini ko ʻení, fekumi ki he ngaahi founga naʻe tokoniʻi ai ʻe Sīsū mo e Tamai Hēvaní ʻa e kakai ʻi he talanoa takitaha. Te ke lava ʻo laineʻi ʻa e ngaahi foʻi lea ʻokú ne fakamatalaʻi ʻa e ngaahi faingataʻa ne nau fehangahangai mo iá. Pea siakaleʻi leva ʻa e ngaahi foʻi lea ʻokú ne fakamatalaʻi ʻa e tokoni ne nau maʻú. Mou talanoa fakafāmili ki he anga hono toʻo ʻo e ngaahi faingataʻá he taimi ʻe niʻihi, pea ko e taimi ʻe niʻihi ʻoku fakamālohia kitautolu ke tau lava ʻo ikunaʻi e ngaahi faingataʻá. Ko e hā pē foungá, ʻoku ʻofa ʻa Sīsū mo e Tamai Hēvaní ʻiate kitautolu pea te Na tokoniʻi kitautolu!
ʻOku mau fakatauange te mou maʻu ha māhina fiefia.
Ko e Kaumeʻá