ʻOku ʻAʻahi ʻa ʻEletā Sitīvenisoni ki Silei

ʻOku fononga e Kau ʻAposetoló he funga ʻo e māmaní ke ngāue fakaetauhi ki he kakaí mo akoʻi kinautolu fekauʻaki mo Sīsū Kalaisi.

ʻĪmisi

Elder Stevenson Visits Chile

Naʻe folau ʻa ʻEletā Keuli E. Sitīvenisoni mo Sisitā Lesa Sitīvenisoni fakataha mo Palesiteni Lāsolo M. Nalesoni mo Sisitā Uenitī Nalesoni ki Silei ki ha meʻa mahuʻinga naʻe hoko. Naʻe fakatapui ha temipale foʻou ʻi he kolo ko Konisepisioní!

Ko e temipale foʻou mo fakaʻofoʻofa ko ʻení ko e temipale hono ua ia ke langa ʻi Sileí pea ko e temipale hono 18 ia ʻi ʻAmelika Tongá.

ʻOku lahi e mofuike ʻoku hoko ʻi Sileí. ʻOku ʻi ai ha fakavaʻe makehe ʻi he Temipale Konisepisioni ʻi Sileí, ke maluʻi ia mei hano maumauʻi ʻe ha mofuike.

Naʻe tokoni ʻa Lola mo ʻAlisa O. ki hono fokotuʻu e maka fakaʻosí ʻi tuʻa he temipalé. ʻOku ui ʻeni ko e makatuliki ʻo e temipalé. Hili iá ne maau leva ʻa e temipalé ke fakatapui.

Naʻe haʻu ʻa e fānaú mo ʻenau mātuʻá ke fanongo ki he lotu makehe ʻa Palesiteni Nalesoni ke fakatapui ʻa e temipalé.

ʻOku malava leva he taimí ni ke hū ki loto ʻa e kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ke silaʻi kinautolu ki honau ngaahi fāmilí mo fakahoko ʻa e papitaiso ʻi he temipalé!

Ko e meʻa ʻeni naʻe lea ʻaki ʻe ʻEletā Sitīvenisoni fekauʻaki mo e fakatapuí: