Mālō e Lelei mei he Lepāpulika Fakatemokalati ʻo Kongokoú!
Malō e Lelei, ko Mako mo Paolo kimaua!
ʻOkú ma ʻaʻahi ki he Lepāpulika Fakatemokalati ʻo Kongokoú, pe ko e L. F. Kongokoú.
ʻOku tuʻu ʻa e L. F. Kongokoú ʻi ʻAfilika lotoloto. ʻOku nofo ai ha kakai ʻe meimei toko 80 miliona.
Ko ha konga lahi ʻo e L. F. Kongokoú ko ha vaotā. Ko e nofoʻanga ia ʻo e fanga monumanu kehekehe, hangē ko e ʻelefānité, kōlilá, mo e lainó. ʻOku ui ʻa e monumanu ko ʻení ko e ʻokapi.
ʻOku ʻiloa ʻa e L. F. Kongokoú ʻi he ngaahi tā fakatātā tukufakaholo fakaʻofoʻofá, ʻo kau ai ʻa e ʻū tā tongitongi mei he ʻakau papá, ʻū kato alú, mo e pūloá.
Naʻe kamata akoʻi ʻe he kau faifekau mei hotau siasí ʻa e kakai ʻi L. F. Kongokoú ʻi he 1986. ʻI he taimi ní ʻoku fakafuofua ki he kakai ʻe toko 60,000 ʻoku nau kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
ʻI L. F. Kongokoú, ko e tokolahi taha ʻo e kakaí ʻoku nau lea faka-Falanisē ʻi he lotú. Ko e lea fakafonua ia ʻa e fonuá. Ka ʻoku ʻi ai mo e ngaahi lea fakafonua kehe ʻe 250 ʻoku lea ʻaki ʻi L. F. Kongokou!
ʻI he taʻu ní, naʻe maʻu ai e fuofua temipale ke ʻi L. F. Kongokoú! ʻOku fiefia ʻa e kāingalotu ʻo e Siasí ʻi he feituʻu ko iá ke fokotuʻu ha temipale ʻi honau fonuá.
Fakamālō atu ʻi hoʻo fie vakaiʻi e L. F. Kongokoú mo kimauá. Tau toki sio!