Mei he Kau Palesitenisī ʻUluakí
ʻOfa ki he Niʻihi Kehé hangē ko e ʻOfa ʻa Sīsū Kiate Kitautolú
Fai ʻe Dallin H. Oaks
Tokoni ʻUluaki ʻi he Kau Palesitenisī ʻUluakí
Toʻo mei he “Ko e ʻOfa mo Feohi mo e Niʻihi Kehé Neongo e Faikehekehé,” Liahona, Nōvema 2014, 25–28.
Naʻe folofola ʻaki ʻe Sīsū ha fekau mahuʻinga ki Heʻene kau ākongá ʻo pehē: “Ke mou feʻofaʻaki kiate kimoutolu, ʻo hangē ko ʻeku ʻofa kiate kimoutolú” (Sione 15:12). ʻI heʻetau hoko ko e kau muimui ʻo Kalaisí, ʻoku totonu ke tau nofo melino mo e niʻihi kehé. ʻOku kau ai ʻa e kakai ʻoku ʻikai ke tau tui tataú.
Ko ha ngaahi founga ʻeni te tau lava ai ʻo ʻofa ki he niʻihi kehé ʻo hangē ko e ʻofa ʻa e Fakamoʻuí kiate kitautolú:
-
Angalelei ki he kakai ʻoku mou faikehekehé.
-
Fakahaaʻi ʻokú ke tokaʻi ʻenau tuí.
-
ʻOua naʻá ke teitei houtamaki pe fakaʻitaʻi ha taha.
-
Hoko ko ha tokotaha fakafanongo lelei.
-
Anga fakaʻapaʻapa. ʻOua naʻa fakakikihi loto-ʻita.
-
Taukaveʻi e meʻa ʻoku totonú.
-
Talanoa loto-fakatōkilalo ki he niʻihi kehé ʻo kau ki he ongoongoleleí. “Lea ʻaki ʻa e moʻoní ʻi he ʻofa” (ʻEfesō 4:15).
Mahalo ko ʻetau pole lahi tahá ko e fekau ʻe hotau Fakamoʻuí ke tau feʻofaʻaki ʻo hangē ko ʻEne ʻofa ʻiate kitautolú. ʻOku ou lotua te tau feinga ke fakahaaʻi ʻa e ʻofá ʻi he meʻa kotoa pē ʻoku tau faí.