Va na Sala ni Vakavakarau ki na Epereli 2020

Na yabaki 2020 ena vakatakilakilataka nai ka 200 ni yabaki ni ivakananumi ni iMatai ni Raivotu, ka a yaco ena vula itubutubu ni 1820. O koya gona, sa mai kacivaka kina o Peresitedi Russell M. Nelson ni koniferedi e tarava ena Epereli “ena vakananumi kina na yavu saraga ni kosipeli vakalesuimai” (raica na tabana e 122).

A vakayaloqaqataka yadua na lewenilotu kei na matavuvale mera vakavakarau ki na “Koniferedi cecere” oqo ka vakatura kina na sala dodonu me rawati kina oqo:

1. Wilika tale na itukutuku nei Josefa Simici me baleta na iMatai ni Raivotu.

2. Ni o vulica Mo Lako Mai, Mo Muri Au ena 2020, vakasamataka vakatitobu na taro me baleta na kila ka e rawati kei na veivakalougatataki e ciqomi ena vuku ni iVola i Momani.

3. Vakasamataka mo vakayagataka na vidio vou ni iVola i Momani ena vuli ni tamata yadua kei na matavuvale.

4. Digitaka ga na nomuni dui taro, ka bulia na nomuni dui ituvatuva mo ni “solegi kemuni kina ena rarama lagilagi ni Veivakalesuimai.”

“Ni o vakayacora oqo,” a kaya o Peresitedi Nelson, “na koniferedi raraba ena Epereli ka tu mai ena sega walega ni dau nanumi tu, ena sega ni guilecavi rawa.”