Moici na Taro ni iVolatara kei na iTukutuku Tale Eso ni Valetabu

Vakavoui ni taro ni veivakatarogi ni ivolatara ni valetabu a vakaraitaka o Peresitedi Russell M. Nelson ena koniferedi raraba ni Okotova 2019 (raica na tabana e 121). E se koya tikoga na itagede ni valetabu, ia eso na taro era sa veisautaki na kena vosa me matata cake kina. E dodonu me ra sa ciqoma na iliuliu ni Lotu na nodratou ivola na Mataveiliutaki Taumada ni ka 6 ni Okotova, 2019, ka oka kina na taro era sa moici tu.

A kacivaka talega o Peresitedi Nelson na inakinaki me baleta na walu na valetabu vou (raica na tabana e 79). Na valetabu vou era na tara tiko e Freetown, Sierra Leone; Port Moresby, Papua Niukini; Bentonville, Arkansas, Amerika; Bacolod, ena Yatu Filipaini; McAllen, Texas, Amerika; Cobán, Guatemala; kei Orem kei Taylorsville, Utah, Amerika.

Me tekivu mai na koniferedi raraba ni Epereli 2019., era sa vakatabui oti na veivaletabu e Kinshasha, Democratic Republic mai na Congo; Lisbon, e Potukali; Port-au-Prince, Haiti; kei Fortaleza, Brazil; ka ra vakatabui tale e Oakland, California, Amerika; Memphis e Tennessee, mai Amerika; Frankfurt, e Jamani; Siti o Oklahoma, Oklahoma, Amerika; kei na kena e Raleigh, North Carolina, Amerika.

Sa vakayacori oti na vakasobuduru ni valetabu e Yigo, Guam; Praia, Cabo Verde; San Juan, Puerto Rico; Lima, Peru (Los Olivos); kei Belém, Brazil, ka ra sa digitaki na veivanua eso me baleta na valetabu e Okaladi, Niu Siladi, kei Layton kei Saratoga Springs, Utah, Amerika.

Sa kaburaki raraba oti ni na vakavoutaki tiko na Valetabu e Salt Lake, ka na sogo tiko ena Tiseba ka na qai dola tale ena 2024, kei na Valetabu e St. George Utah, ena sogo tiko ena Noveba 2019 ka na qai dola tale ena 2022.