Naʻe Vahevahe ʻe ʻĀpisi ʻa e Ongoogoleleí

Naʻe ngāue ha fefine ko ʻĀpisi ki he tuʻí. Naʻá ne tui ki he ʻOtuá. Ko e tokolahi taha ʻo e kakai ne nau feohí naʻe ʻikai ke nau tui ki he ʻOtuá. ʻI ha ʻaho ʻe taha naʻá ne mamata ai ki ha faifekau ko ʻĀmoni ʻokú ne akoʻi e tuʻí mo e kuiní fekauʻaki mo e ʻOtuá mo Sīsū Kalaisi.

‘I he taimi naʻe ʻilo ai ʻe he tuʻí mo e kuiní kau ki he ongoongoleleí, naʻá na matuʻaki fiefia! Naʻá na tō ki lalo pea ʻikai ngaue. Naʻe ʻiloʻi ʻe ʻĀpisi naʻá na ongoʻi e mālohi ʻo e ʻOtuá.

Naʻe loto ʻa ʻĀpisi ke ako e tokotaha kotoa fekauʻaki mo e ʻOtuá. Ko ia ai naʻá ne lele mei he fale ki he fale pea tala ki he kakaí ke nau omi ʻo mamata ki he meʻa naʻe hokó.

Hili e fakatahataha mai e haʻofangá, naʻe tokoni ʻa ʻĀpisi ki he kuiní ke ne meʻa ki ʻolunga. Naʻe tokoni leva ʻa e kuiní ki he tuʻí ke ne hāʻele hake. Naʻá na kamata ke akoʻi e kakaí fekauʻaki mo e ongoongoleleí.

Te u lava ʻo hangē ko ʻĀpisí. Te u lava ʻo tokoni ki he kakai kehé ke nau ako kau ki he Tamai Hēvaní mo Sīsū Kalaisi. ●

Tā fakatātaaʻi ʻe Apryl Stott