Ko Hono Fakafoki Mai ʻo e Lakanga Taulaʻeiki Faka-ʻĒloné
Kiate Kimoua ʻa Hoku Ongo Kaungā-Tamaioʻeiki, tā ʻe Linda Curley Christensen mo Michael Malm
Naʻe foaki ʻe Sione Papitaiso ʻa e Lakanga Taulaʻeiki Faka-ʻĒloné ʻi he ʻaho 15 ʻo Mē 1829 kia Siosefa Sāmita mo ʻŌliva Kautele. ‘Oku fakahaaʻi ʻe he ngaahi konga ko ʻeni ne toʻo mei heʻena manatu ki he ʻaho mahuʻinga ko iá, ʻa e fakaofo ʻo e meʻa ne hokó.
“Naʻe talamai ʻe he talafekau ʻa ia naʻá ne ʻaʻahi mai kiate kimaua ʻi he taimi ko iá mo ne foaki kiate kimaua ʻa e Lakanga Fakataulaʻeiki ko ʻení, ko hono hingoá ko Sione, ʻa ia ʻoku ui ko Sione ko e Papitaisó ʻi he Fuakava Foʻoú, pea ko ʻene ngāue ʻo fakatatau ki he tuʻutuʻuni ʻa Pita, Sēmisi, mo Sione, ʻa ia naʻa nau maʻu ʻa e ngaahi kī ʻo e Lakanga Fakataulaʻeiki ʻo Melekisētekí.”
Siosefa Sāmita, ʻi he Siosefa Sāmita—Hisitōlia 1:72; tānaki atu e fakamamafá
“Naʻe folofola mai ʻa e, leʻo ʻo e Huhuʻí kiate kimaua ʻaki ʻa e melino, ʻo hangē ko e fai mei he lotolotonga ʻo e taʻengatá, pea lolotonga ʻa e mavaeua ʻa e veilí pea ʻalu hifo ʻa e ʻāngelo ʻa e ʻOtuá kuo kofu ia ʻaki ʻa e nāunau, ʻo ne ʻomai ʻa e pōpoaki kuo lahi ʻa e ʻamanaki ki aí, pea mo e ngaahi kī ʻo e Ongoongolelei ʻo e fakatomalá. Ko e fiefia ka ko ha fiefia! ko e fakatumutumu ka ko ha fakatumutumu! ko e ofo ka ko ha ofo!”
ʻŌliva Kautele, ʻi he Siosefa Sāmita—Hisitōlia 1:71, fakatokangaʻi ange; tānaki atu e fakamamafá
Vitiō mei he Tohi Tapú ʻoku fakatātaaʻi ai hono papitaiso ʻe Sione Papitaiso ʻa Sīsū Kalaisí.
Naʻe ʻi ai foki ʻa ʻŌliva Kautele mo Siosefa Sāmita ʻi he 1836 ʻi he taimi ne fakafoki mai ai e ngaahi kī ʻo e lakanga fakataulaʻeikí ʻi he Temipale Ketilaní.
Vaitafe Sesikuehaná ʻi Hāmoni Penisilivēnia, ofi ki he feituʻu naʻe papitaiso ai ʻa Siosefa Sāmita mo ʻŌliva Kautele ʻi he ʻaho 15 ʻo Mē 1829.