Haʻu, ʻo Muimui ʻIate Au: Tohi ʻa Molomoná
Te u Lava Fēfē ʻo Ngāue he Taimi pē Ko iá ʻi he Tuí?
ʻAlamā 17–22 22–28 Sune
‘Oku fakahaaʻi ʻe he ngaahi ngāue faivelenga mo vave ʻa ʻĀpisi ʻi he Tohi ʻa Molomoná, ʻa e founga ʻe lava ai ʻe he tuí ʻo ʻomi e niʻihi kehé kia Kalaisí. Fakakaukau ki heʻene “ului [fakaʻaufuli] ki he ʻEikí” (ʻAlamā 19:16).
Naʻá ne ‘Iloʻi Ia
Naʻe mālohi ʻaupito e tui ʻa ʻĀpisí pea ʻi heʻene vakai ki he tō e fāmili ʻo Lamonaí ki he kelekelé, naʻá ne “ʻiloʻi ko e māfimafi ia ʻo e ʻOtuá” (ʻAlamā 19:17). ʻE founga fēfē haʻo lava ʻo langaki hoʻo tuí ke ke ʻiloʻi e mālohi ʻo e ʻOtuá ʻo hangē ko ʻĀpisí?
Naʻá ne Lele Atu
ʻI hono ʻiloʻi pē ʻe ʻĀpisi e mālohi ʻo e ʻOtuá, naʻá ne “lele holo mei he fale ki he fale” pea tala ki he kakaí ke nau omi ʻo mamata ki he maná (ʻAlamā 19:17). Naʻe fakaivia ia ʻe heʻene tuí ke ne ngāue ʻi he taimi pē ko iá. ‘Oku ʻi ai nai ha ngaahi tafaʻaki ʻi he ongoongoleleí ʻokú ke luelue ai kae ʻikai ke ke lele ke fakahoko e finangalo ʻo e ʻOtuá ʻi he tuí?
Naʻá ne Puke e Nima ʻo e Niʻihi Kehé
Naʻe hanga ʻe ʻĀpisi ʻo “puke ʻa e kuiní ʻi hono nimá” ʻi heʻene tui ʻe fokotuʻu ai ʻa e kuiní (ʻAlamā 19:29). Naʻá ne fakahoko e meʻa ne ngali taʻemalavá koʻeuhí ko ʻene tui ki he ʻOtuá. Te ke lava fēfē ʻo fakamālohia hoʻo tui ki he ʻOtuá pea fakahoko e meʻa ʻoku taʻemalavá ʻi ho moʻuí?
Ngaahi tā fakatātā ʻa Andrew Bosley; puipuituʻá mei he Getty Images