2020
Kau Finemuí: Ko hono Fakamanatua e Taʻu 150
Sune 2020

Kau Finemuí: Ko hono Fakamanatua e Taʻu 150

Fai ʻe Amanda Dunn

Ngaahi Makasini ʻa e Siasí

Young Women Celebrating 150 Years
Young Women Celebrating 150 Years 2

ʻOku hokosia he taʻú ni e taʻu 150 ʻo e houalotu ʻo e Kau Finemuí, pea kuo taimi ke fakafiefiaʻi! Vakaiʻi e ngaahi moʻoniʻi meʻa ko ʻeni fekauʻaki mo e tupulaki ʻa e houalotú mei he 1870 ʻo aʻu mai ki he ʻaho ní, meʻa ʻoku fai ʻe he toʻu tupu hangē ko kimoutolú ke kau atu ki he Kau Finemuí he taimi ní, mo e founga ʻe lava ke ueʻi fakalaumālie ai koe ʻe he houʻeiki fafine ʻi he hisitōliá ne nau fakahaaʻi e loto-toʻá mo e tuí.

1870–1920

Hingoá: ʻOku fokotuʻu fakaʻofisiale ʻa e Vaʻa ʻo e Kau Finemuí ʻi he Kulupu Ngāue Fakapotopoto ʻa e Houʻeiki Fafiné ʻi he ʻaho 27 ʻo Mē 1870, ʻi he malumalu ʻo e fakahinohino ʻa Pilikihami ʻIongí.1 ʻOku liliu ʻa e hingoá ʻi he 1877 ki he Kautaha Mutuale Fakalakalaka ʻo e Kau Finemuí.2

Houalotú mo e Ngaahi Kalasí: ʻOku fokotuʻu e polokalama ʻa e Tamaiki Fefine Punungahoné ʻi he faʻahitaʻu māfaná ko ha polokalama maʻá e tamaiki fefine taʻu 14 mo taʻu motuʻa angé.

Fakalakalaká mo e Fakalāngilangí: ʻOku pulusi e Tohi Tuʻutuʻuni ʻa e Punungahoné ʻi he 1915, ʻo fakamatalaʻi ai ha “tafaʻaki” ʻe fitu ʻo e fakalakalaka fakatāutahá: Fakalotú, ʻApí, Moʻui Leleí, ʻAati Fakalotofonuá, Ngāue ki Tuʻá, Pisinisí, mo e Ngāue ki he Kakaí.3

Makasiní mo e Tohinoá: ʻOku pulusi e fuofua makasini ʻo e Young Woman’s Journal ʻi he 1889.4 ʻOku ʻomi ʻe he ngaahi Kautaha Mutuale Fakalakalaka (MIA) fakalotofonua lahi ʻenau nusipepa pē ʻanautolu ne tohi nima pea ko e tatau pē ʻe taha pe ua ne ʻave holo ʻi he tamaiki fefiné.

1920–1970

Hingoá: ʻOku liliu e Kautaha Mutuale Fakalakalaka ʻo e Kau Finemuí (Young Ladies) ki he Kautaha Mutuale Fakalakalaka ʻo e Kau Finemuí (Young Women) ʻi he 1934.5

Houalotú mo e Ngaahi Kalasí: ʻOku ʻi ai ha kalasi ʻe ua, ko e Tamaiki Fefine Punungahoné ki he tamaiki fefine iiki angé mo e Gleaners ki he tamaiki fefine lalahi angé. ʻOku liliu e taʻu motuʻa ke hū ki he polokalamá mei he taʻu 14 ki he 12. ʻOku fakafeʻiloaki ʻa e kalasi Maea Meití ʻi he 1950.

Fakalakalaká mo e Fakalāngilangí: ʻOku fakaʻilongaʻi ʻe he fakalāngilangi Golden Gleaner ʻa e lavameʻa maʻolunga taha ʻe lava ʻe he kau finemuí ʻo maʻu ʻi he polokalamá.

Makasiní mo e Tohinoá: ʻOku fakatahaʻi e Young Woman’s Journal mo e makasini Improvement Era maʻá e toʻu tupu kotoa pē ʻi he 1929.6

1970–2019

Hingoá: ʻOku liliu e Kautaha Mutuale Fakalakalaka ʻa e Kau Finemuí ki he houalotu ʻa e Kau Finemuí ʻi he 1974.7

Houalotú mo e Ngaahi Kalasí: ʻI he 1972, kuo ʻi ai ha kalasi ʻe tolu ʻi he houalotu ʻa e Kau Finemuí: Punungahoné (taʻu 12–13), Maea Meití (taʻu 14–15), mo e Loumailé (taʻu 16–17). Kamata ʻi he 2019, ʻoku hiki e kau finemuí ki he Punungahoné ʻi Sānuali ʻo e taʻu ʻoku hokosia ai honau taʻu 12.

Fakalakalaká mo e Fakalāngilangí: ʻOku fakafeʻiloaki e polokalama Fakalakalaka Fakatāutahá mo e maʻu mētalí ʻi he 1977. ʻOku tānaki mai e ngaahi tuʻunga ʻulungaanga mahuʻinga ʻa e Kau Finemuí ʻo e Tuí, Natula Faka-ʻOtuá, Ko Hoto Mahuʻinga Fakatāutahá, ʻIló, Tauʻatāina ke Filí mo e ʻEkeʻi Meiate Kita ʻa e Meʻa ʻOkú te Fai pe Taʻefaí, Ngaahi Ngāue Leleí mo e Faitotonú ʻi he 1987.8 ʻOku tānaki mai e Angamaʻá ki he ngaahi tuʻunga ʻulungaanga mahuʻingá ʻi he 2008.9

Makasiní mo e Tohinoá: ʻOku kamata pulusi e makasini New Era maʻá e toʻu tupú ʻi he lea faka-Pilitāniá ʻi he 1971, pea ʻomi ʻi he Liahona ha ngaahi fakamatala maʻá e toʻu tupú ʻi he ngaahi lea fakafonua lahi.10

2020

Hingoá: ʻOku kei ui pē ko e houalotu ʻa e Kau Finemuí.

Houalotú mo e Ngaahi Kalasí: ʻOku fokotuʻu e ngaahi kalasí ʻi he uooti pe kolo takitaha ʻo fakatatau ki heʻenau ngaahi fie maʻú pea ʻiloʻi ʻaki e hingoa faaitaha ko e “Kau Finemuí” (hangē ko ʻení, “Kau Finemui Taʻu 12,” “Kau Finemui Taʻu 12–15,” pe ko e “Kau Finemui” pē kapau ʻoku nau fakataha kotoa).

Fakalakalaká mo e Fakalāngilangí: ʻOku fetongi ʻe he Fānaú mo e Toʻu Tupú ʻa e polokalama Fakalakalaka Fakatāutahá. ʻOku poupouʻi ʻe he polokalama foʻoú ʻa e ngaahi faingamālie fakataautaha ke tupulaki ai ʻi he ngaahi tafaʻaki ʻo e Fakalakalaka Fakatāutahá, Ako ʻo e Ongoongoleleí, mo e Ngāue Tokoní mo e Ngaahi ʻEkitivitií.11

Makasiní mo e Tohinoá: ʻOku mei hoko e taʻu 50 ʻa e makasini New Era maʻá e toʻu tupú.

Maʻuʻanga Fakamatalá

  1. Vakai, “Timeline of Young Women History,” history.ChurchofJesusChrist.org/landing/a-brief-timeline-of-young-women-history.

  2. Vakai, “Young Women’s Timeline,” Mormon Women’s Studies Resource, Harold B. Lee Library, Brigham Young University, Provo, Utah, mormonwomen.lib.byu.edu/young-womens-portal/young-women-timeline.

  3. Vakai, “History of Young Women Recognition,” history.ChurchofJesusChrist.org.

  4. Vakai, “Young Women’s Timeline.”

  5. Vakai, “Young Women’s Timeline.”

  6. Vakai, “Young Women’s Timeline.”

  7. Vakai, “Young Women’s Timeline.”

  8. Vakai, “Young Women’s Timeline.”

  9. Vakai, “New Young Women Value: Virtue,” Dec. 9, 2008, thechurchnews.com.

  10. Vakai, “Young Women’s Timeline.”

  11. Vakai, ChildrenAndYouth.ChurchofJesusChrist.org.

  12. Vakai, “History of Young Women Recognition.”

  13. Vakai, “History of Young Women Recognition.”

  14. Vakai, “Young Women Classes and Symbols,” ChurchofJesusChrist.org/young-women/personal-progress.

  15. Vakai, “History of Young Women Recognition.”

  16. Vakai, “The Annual Report of the Church,” Ensign, July 1972, 131–33.

  17. Vakai, “Worldwide Statistics,” newsroom.ChurchofJesusChrist.org/facts-and-statistics.

Tā ʻo ha finemui ʻokú ne tui e mētali Fakalakalaka Fakatāutahá, faitaaʻi ʻe Alicia Cerva