Fānaú mo e Toʻu Tupú
Ko ʻEku Taumuʻa he Feimeʻatokoní
ʻE lava ke tokoni hoʻo Tohi Fakahinohino ʻa e Fānaú ke ke fokotuʻu e ngaahi taumuʻa ke ʻunu ke ofi ange kia Sīsū.
Naʻá ku loto ke fakalakalaka ʻeku feimeʻatokoní. Ko ia ʻi heʻeku maʻu ʻeku Tohi Fakahinohino ʻa e Fānaú, ne u fokotuʻu ha taumuʻa ke feimeʻatokoni mo ʻeku tamaí. ‘I he taimi ʻoku feimeʻatokoni ai ʻeku tamaí, naʻá ku siofi ia pea vakai ki heʻene fakalatá. Naʻá ku loto ke ako ke feimeʻatokoni hangē ko iá.
Naʻá ku ʻalu mo ʻeku tamaí ki he falekoloá ke fakatau mai e naunau ki he feimeʻatokoní. Naʻá ne akoʻi leva au ʻi he founga hokohoko ke liliu ai e mahoaʻá ki ha foʻi keke fakaʻofoʻofa. Naʻá ne akoʻi foki au kimui ange ʻi he founga ke ngaohi ai mo ha ngaahi meʻa kehe.
Kuo tokoni hono ngāueʻi e taumuʻá ni ke u vāofi ange ai mo ʻeku tamaí. ‘Oku ou saiʻia he feohi mo iá! Kuó ne hoko ko ha faiako maʻongoʻonga. Ko e meʻa ʻe taha naʻá ne akoʻi maí, ko e taimi naʻá ma feimeʻatokoni aí ʻoku ʻikai totonu ke tohoakiʻi ʻe heʻeku telefoni toʻotoʻó ʻeku tokangá!
ʻI heʻeku fakakaukau he taimí ni ki he feimeʻatokoní, ʻoku ou ongoʻi ha loto fiefia, he ʻoku ou saiʻia ʻi he feimeʻatokoní! ʻOku ʻikai ngata pē ʻi he tokoni ʻa e taumuʻá ni ke u fakahoko ha meʻa ʻoku ou saiʻia aí, ka ʻoku ou tupulaki fakalaumālie foki ai. ‘Oku ou saiʻia ʻi heʻeku lava pē ʻo fili ʻeku ngaahi taumuʻá. ‘Oku finangalo e Tamai Hēvaní ke tokoniʻi au ʻi he taumuʻá ni he ʻokú Ne finangalo ke u fakatupulaki hoku ngaahi talēnití. ‘Okú Ne finangalo ke tokoniʻi au he ʻokú Ne ʻafioʻi ʻoku ou fiefia ai. ●
ʻŪ taá ne faitaaʻi ʻe Jonas Rebicki