Fakahā pea Tala
‘I heʻeku kei siʻí, naʻá ku fokoutua ʻi ha mahaki kili. Naʻá ku lotu he ʻaho kotoa pē ki he Tamai Hēvaní ke fakamoʻui au. Ne u ako ke faʻa kātaki, pea hili ha taʻu ʻe nima mei ai naʻe fakamoʻui au. ʻOku ou ʻilo ʻoku fanongo mai ʻa e Tamai Hēvaní ki heʻetau ngaahi lotú.
Se-iongi K., taʻu 12, Saiongi, Kōlea Tonga
‘Oku ilifia e kiʻi tuofefine hoku kaungāmeʻá ʻi he fanga kulií. ‘I he taimi ʻoku fakaofi mai ai ha fanga kulií, ʻoku ou tuli kinautolu ke ʻoua naʻá ne ilifia.
Hailame F., taʻu 7, Maputo, Mousemipiiki
‘Oku ou saiʻia hono tauhi e fanga kiʻi heʻé. Naʻe ʻi ai ha taha ʻiate kinautolu naʻe puke lahi. Naʻá ku lotua ke ne sai. ‘I he pongipongi hono hokó, naʻá ku sio ki hono kiʻi ʻaá kuó ne ʻosi sai. ʻOku ou ʻilo naʻe ongona ʻe he Tamai Hēvaní ʻeku lotú.
Tanei C., taʻu 8, Uēlingatoni, Nuʻu Sila
Naʻe pā kālava ʻeku tamaí pea ʻave ki falemahaki ʻi heʻeku kei taʻu fitú. Naʻá ne kei ʻi falemahaki pē ʻi he hokosia hoku taʻu valú. Naʻá ku fakakaukau ke tatali kae ʻoua kuo ʻatā ʻeku tamaí mei falemahaki kae toki papitaiso mo hilifakinima au. Ne hoko ia ko e taha ʻo e ngaahi ʻaho fakafiefia taha kiate aú.
Viliami M., taʻu 9, Kuinisilani, ʻAositelēlia
‘I he taimi ne u ʻalu ai ki he akó, naʻe saiʻia ha niʻihi ʻo e kau akó ʻi he ngaahi talanoa fakailifiá. Ne nau fai mai ha talanoa ʻe taha naʻá ne fakailifiaʻi moʻoni au ʻi he poʻulí. ‘I ha pō ʻe taha ne u fakakaukau ai ke lotu ki he Tamai Hēvaní ke ʻoua te u toe fakakaukau ki ai, pea naʻá Ne tokoniʻi au ke u mohe ʻi he pō takitaha. Ko e taimi ia ne u ʻiloʻi ai te u lava ʻo lotu kiate Ia ʻi ha feituʻu mo ha faʻahinga taimi pē.
ʻEnelē T., taʻu 11, Ulanipatā, Mongokōlia
“Fānau ʻi he Funga ʻo e Māmaní,” ʻAlekisia W., taʻu 10, Helētia, Kosita Lika
Maikolo T., taʻu 7, Nuevo Lioni, Mekisikou
Ngaahi ʻAta mei Muʻi mei he Getty Images