Fakamoʻoní mo e Tohi ʻa Molomoná

Fai ‘e Palesiteni Henry B. Eyring

Tokoni Ua ʻi he Kau Palesitenisī ʻUluakí

ʻĪmisi

Palesiteni Henry B. Eyring

Naʻe toʻo mei he “The Book of Mormon as a Personal Guide,” Ensign, Sept. 2010, 4–6.

ʻĪmisi

Testimony and the Book of Mormon

Ko e taimi kotoa ʻoku ou lau ai ha ngaahi kiʻi laine ʻi he Tohi ʻa Molomoná,

ʻoku ou ongoʻi ʻoku fakamālohia ʻeku fakamoʻoni

ʻoku moʻoni ʻa e tohí,

ko Sīsu ʻa e Kalaisí, pea

te tau lava ʻo muimui ʻiate Ia ki ʻapi.

Kuo hoko ia kiate au ko e tohi maʻongoʻonga taha ʻi he ngaahi tohi kotoa pē.

Ko e folofola ia ʻa e ʻOtuá.

ʻOku ou Ongoʻi e Laumālie Māʻoniʻoní ʻi he Taimi …

ʻOku ou lotu ai ki he Tamai Hēvaní.

ʻOku ou fakakaukau ai ki he temipalé.

ʻOku ou tokoniʻi ai e niʻihi kehé.

Ko e fē ha taimi kuó ke ongoʻi ai ha fakamoʻoni mei he Laumālie Māʻoniʻoní?

Ko Haʻo Fakamoʻoni ʻAʻau

Ko e fakamoʻoní ko ha ongo lelei ia mei he Laumālie Māʻoniʻoní ʻo fakahā atu ʻoku moʻoni ha meʻa. ‘Oku ʻikai ke ke fuʻu kei siʻi ke maʻu ha fakamoʻoni. Kosi ʻo toʻo e fanga kiʻi laʻipepá pea faʻo ia ʻi ha poulu pe ngeʻesi hina ke ke lava ʻo fili mei ai ha meʻa ʻe taha he ʻaho takitaha. ‘I he taimi ʻokú ke ongoʻi ai ha fakamoʻoni ʻi ho lotó, fakahā ia ki ha taha!

Hivaʻi e “ʻOku Ongo ʻa e ʻOfá” (Tohi Hiva ʻa e Fānaú, 42–43).
Hivaʻi ʻa e “Ketisemani” (Liahona, Māʻasi 2018, 74–75).
Sio ki ha tā ʻo e temipalé.
Fanongo ki ha lea ‘a Palesiteni Lāsolo M. Nalesoni.
Sio ki ha tā ʻo Sīsū, pe mamata ʻi ha vitiō ʻo e Tohi Tapú fekauʻaki mo Ia.
Lotu ki he Tamai Hēvaní pea fakafanongo ki he ngaahi ongo mei he Laumālie Māʻoniʻoní.
“Keinanga ʻi he ngaahi folofola ʻa Kalaisí; … ʻe fakahā kiate kimoutolu ʻe he ngaahi folofola ʻa Kalaisí ʻa e ngaahi meʻa kotoa pē ʻoku totonu ke mou faí” (2 Nīfai 32:3).

Ngaahi tā fakatātā ʻa Beth Whittaker