Ana Iteraniba te Aono
Tarekita ibukin te Reitaki ae Boou E na Boutokaia Taan Taromauri ao Kaain te Kaawa i Nu Tiran ao aban te Betebeke
I nanon Tuun n te ririki aei, Tania Torea, mai Porirua, Nu Tiran, e waaki ni mwakuri bwa te Bonomwi n Tarekita ibukin te Reitaki n te Aono n Ana Ekaretia Iesu Kristo ibukiia Aika Itiaki ni Boong aika Kaitira n Aonon te Betebeke. E rangi ni mwamwakuri ma Richard Hunter, Tarekita ibukin te Reitaki n Aono, ao taan anganano man te Ekaretia i aon te aba.
Neie Torea iai rabakauna n tobwai kainnanon te Ekaretia ao te kaawa, ao bootakia aomata bwa a na reitaki ni kakaei kaeka ake a na kabwaia iai ni kabane ake a ira buakon te waaki.
Ana beku bwa te tia anganano n riki bwa te tarekita ibukin te reitaki n iteran aban Nutiran are i nano i Meang, ao South Island, i nanon itiua te ririki n nako, e a tia ni karekeia iai raoraona ake kaain te Katorika, Anglican, Muslim, ao Jewish ao tabeman aro ake tabeua n te kaomiuniti.
E a tia naba n anga ana iango aika kakawaki ni marooro ibukin buokakiia kaain Nu Tiran ni karekea te korakora mai irouia n tatabemaniaa, ni karinea te kaokoroaki, ao karinean baika a kakaokoro, ao kaotaraean baike a anganira te aro ni bobonnano.
Ana mwakuri n anganano ma taan mwakuri n te tautaeka ao kurubu riki tabeua—riki n taian karikirake n aron katamaroan te nei, unikakin taian aroka, ao kaitiakan ana tabo te botanaomata, onobwai nakon umwanreirei, Ana beku n angamwane ma te tia tei ao kaaina riki teuana, bwain te tabo ni kawakin amwarake—a katiteuanaia ao ni kateimatoaia taan ira buakon te waaki.
Teuana te karikirake ae mamate iai nanona bon te bwatin ni karikirake, ma kaain ao raao man te Wellington Jewish kaomiunitii. Te waaki ae maan anne e bootia aomata bwa a na bootaki n roko n te tai ae aki abwabwaki ni kaitiaka man karaneaneai ae raka iaon 1 te mirion te bwatin ibukin kaotan te ururing ao karineakiia ae raka iaon teuana te mirion ataei ake a tiringaki n tain te Holocaust ae te tiritiri ae riibuaka i marenan Te Kauoua ni Buaka n te Aonaaba.
Ana mwakuri ae boou e na karababaa ana mronron ngkai e na boutokaiia taan kairiiri, membwa ao mitinare man Ana Ekaretia Iesu Kristo ibukiia Aika Itiaki ni Boong aika Kaitira iaon Nu Tiran ao abamwakoron te Betebeke Maiaki.
Ana taratara Neie Torea bon buokakiia taan kairiiri ao membwa n kinai kakaewenako aika abwabwaki iroun te Ekaretia ao kaain ara kaawa ae abwabwaki ni karekei kaain te kurubu aei ni kanakoraoi maiuia n tatabemaniia nako ao ni kakabwaiaia utu ao kaomiuniti.
Angin tabena bon karaoan te ikarekebai ma te tautaeka, ao kurubu n onimaki ake tabeua, ni karekea te bwai ae tamaroa ibukiia aomata ni kabane.
E taku Neie Torea bwa e teimatoa ni waaki nako nakon te kakaewenako ao ni kantaninga ana buoka Karawa irouia raoraona, karekeaia raoraoana, ao n uaia ni mwakuri ni karaoa ae tamaroa ni maiuia tabeman.
Kingin te bwai aei bon, te “ongora ni kaotako, ao n ukora bwanaan te Uea ni kaira ara mwakuri.”
Paul Morris, te Burobetia iaon Kamatebwaiakan Aaro i Victoria University i Wellington, e taku, “Tania e a tia n riki bwa te tia boutoka ae moan te kakaonimaki man onimakinaki ibukin te reitaki ma botaki n aro aika uoua ke aika mwaiti ni kautuun te aba inanon ririki aika mwaiti. I koaua raoi bwa e na karekea te ongeaba, aron ana mwakuri ao karaoan tuan te mwakuri, ana motinnano nakon tabeua aika boou.”
Vicki Wihongi, mai Hamilton, E taku, “Iai rabakaun Tania ae abwabwaki ibukin kairaia aine n te tiim n te kawai are e anga te korakora ae abwabwaki ibukin te inanoi ni mwakuri ao n te kawai are naake a reireinaki ao ti kaungaia.”
“Ana kakammwakuri Tania ao ibukin te Ekaretia ao naake a tauraoi ana kakammwakuri ao aron ana waaki ni mwananga nako Tania e karika te bitaki ae korakora n te Ekaretia ao irouia naake e toma ma ngaiia,” e reirei Peter Thomson, te beretitenti n te Ekaretia i Wellington New Zealand Titeiki.
“Ti ingainga ni kan noora ana waaki ma ana karinrin n karababanako nakon Nu Tiran ae bwanin ao te Betebeke.”