Erom̧ Āinwōt E
Ilo wōt jipan̄ eo An kōj wōj kajjojo maron̄ eddōkļo̧k m̧aanļo̧k erom āinwōt E.
N̄an kōm̧m̧an bwe en jon̄anwōt juon ippen rijikuul eo an mour im iien katak eo Jesōs Kraist ilo laļin, kabber ko an Rilomo̧o̧r eo n̄an kajjeon̄ “bwe in einwōt N̄a” 1 ej kabwerbwer im einwōt jejjab maron̄ tōbare. Bōlen kwoj einwōt n̄a—likkun jeļā kōn am̧ wōtlo̧k im jorrānļo̧k, im bōlen komaron̄ loe einwōt em̧m̧an ilo kōļmenļo̧kjen n̄an etetal ilo iiaļ ilo ejjeļo̧k lōn̄ļo̧k im eddōkļo̧k jidik. “Lukkun m̧ool, katak in ejjab m̧ool im jim̧we,” jej kabwe, ilo ad kōjatdikdik ilo kāālet iaļ eo me jidik jumae ie, kōn menin jej tūle jejjo calories ko rej aikuj n̄an oktak.
Bōtaab ta n̄e erom “einwōt [E ej]” ejjab bōk jikin, jōkdoon ilo mour in kanniōk in ad? Ta n̄e enaj, ilo jet wāween, pidodo ad tōbare ilo mour in im, lo m̧ool, juōn men aorōk bwe jen ped Ippen bar juōn alen? Ta n̄e “bwe en einwōt N̄a” ilo lememin im einwōt e ta meļeļe in jen Rilomo̧o̧r eo? Innem ta? Ituia eo jemaron̄ e n̄an m̧ōņōņō in leļo̧k karuwainene in kajoor in eļap An n̄an mour kein ad bwe jen maron̄ ukōt jōkjōk in ad mour?
Elder Neal A. Maxwell eaar katakin: “Ilo ad kōļmenļo̧kjen ilo kar kakien jen Jesōs bwe jen erom einwōt E, jemaron̄ lo bwe tōre kein ad ej juōn iaan iien ko me jejjab likkun rijerawiwi, bōtaab, ijelo̧kin, ej juōn iaan iien ko mwe edik an pen-būruwōd im edik ad itok limo ilo jerbal in An—me ej ad jerbal, bareinwōt! Jej kautiej bōtaab edik ad einwōt E.” 2 Juōn rikwaļo̧k em̧m̧an ded, Charles M. Sheldon, ekar kwaļo̧k en̄jake eo an ilo jōkjōk in wōt: “Iakwe eo ad Rikūrijin ej pidodo im aenōm̧an im meo̧eo n̄an bōk jabdewōt men reppen im eddo einwōt dōpāāl.” 3
Ilo m̧o̧o̧l, aolep jej ped ium̧in ritōl n̄an erom einwōt E, einwōt an Jesōs Kraist erom einwōt Jemed. 4 Ilo ad wōnm̧anļo̧k, jej oktam eio, dedeļo̧k, im likkun eddōkļo̧k. 5 Baj katak kein rejjab pedped ioon jabdewot kaktak ko an kabun̄ bōtaab rej kajjutok jen Master Eo Make. Ej ilo kakūlajaj in bwe mour rej aikuj mour, ļōmņakin kōnono, im jemjerā en ļapļo̧k. Em̧ool, ejjeļo̧k bar iiaļ n̄an kōmouri kūnej in rub jemjerā kein ak juōn kōtain ippen doon n̄an kōjwōj kajojo n̄an kōļaplo̧k ad einwōt Prince in Kaenōm̧an eo. 6
Jen kūle ewi wāween jinoe juōn kōļmenļo̧kjen, lukkun kōļmenļo̧kjen, im wōr ikūdele n̄an kajjeon̄ erom einwōt E ilo ad bōk m̧wil ko an Jesōs Kraist.
Kōmeļeļeik im Leļo̧k am̧
Jet iiō remootļo̧k, kōrā eo ippa im n̄a kōm kar jutak im̧antata in iiaļ eo an toļ eo eutiejtata ilo Japan, Mount Fuji. Ilo am kar jinoe wanlōn̄ļo̧k kōm kar reilo̧k n̄an ijo ettoļo̧k reilo̧k im kōļmenļo̧kjen eļan̄e kōm maron̄ naj tōbar ijeņ.
Ilo am kar jinoe, metak, metak m̧aajeļ, im kūtōltōl eo an utej eo ear bōk jikin. Ilo ļōmņak, ekar oktak im juōn men aorōk n̄an kōm n̄an ļōmņak ilo am lem̧aanļo̧k ne e juōn. Kōm ekar ba, “Imaron̄ jab tōbar lōn̄ kiō wōt, bōtaab Imaron̄ lem̧anļo̧k ne ej juōn kio.” Ilo eļap iien jerbal ko im reppen rej lukkun oktak im maron̄ tobrak—jidik kōn jidik.
Em̧m̧akūt eo jinountata ilo iiaļ in n̄an erom einwōt Jesōs Kraist ej bwe en wōr ikūdelel n̄an kōm̧m̧ane. Meļeļe kōn kapper ko n̄an einwōt E ej em̧m̧an, bōtaab meļeļe ej aikuj bw en lōn̄ļo̧k jen en̄jkake n̄an ukot kōj make, juon ne m̧aanļo̧k ilo juōn iien, lōn̄inļo̧k lememe in armij. 7 N̄an kaddōkļo̧k ikdeleel in, jej aikuj jeļā wōn lukkuun Jisōs Kraist. Jej aikuj jeļā jet iaan m̧akūtkūt ko An, 8 im jej aikuj reilo̧k n̄an m̧wūl ko An ilo jeje ko rekwojarjar, iien kabun̄ jar, im jikin ko rekwojarjar jet. Ilo ad jino jeļā eļapļo̧k kōn E, jenaj loe m̧wil ko An ippen ro jet. Menin enaj kōketak kōj ilo jōkjōk ko ad make, bwe eļan̄e ro jet remaron̄ bōke, ilo jet wāween, m̧wil ko An, innem jemaron̄.
Eļan̄e jej m̧ool n̄an kōj make, Meram in Kraist 9 eo itu lowaad enaj wūnojdikdik bwe ewōr kōta ko ikōtaad jej kajjeon̄ einwōt ippenļok ikūdelel im m̧akūtkūt eo an Rilomo̧o̧r. 10 Lukkun m̧ool elukkun aorōk eļan̄e jej wōnm̧anļo̧k n̄an erom einwōt E. Aet, lukkun m̧ool ej juōn iaan m̧wil ko An.
Kiō, kōj ro im jej peran jemaron̄ kōļmenļo̧kjen n̄an kajjitōk juon iaan ro ilo baam̧le im jej lōke, ļeo ak lio pālele, ro m̧ōttam̧, ak ritōl ro ilo jetōb ta m̧wil eo an Jesōs Kraist jelukkun aikuji—im jemaron̄ aikuji n̄an jiban̄ kōjmake n̄an uwaak! Jet iien jej loe kōj make ilo juon aban̄ in em̧ eo im kūlaaj ko rej kwaļo̧k kōj n̄e ejjab ļapļo̧k ipeļakid ak eļapļo̧k ad eddeikļok jen wōn lukkun kōj.
Ro m̧ōttad im baam̧le ko ad jej lōke er remaon̄ jipan̄ bwe en em̧m̧anļo̧k ad loe kōj make, ak jōkdoon er, ilo iakwe im jipan̄ im rej kōņan, reban loe ilo jim̧we. Ilo tōbrakin, elukkun aorōk bwe jen bareinwōt kajjitōk ippen Jemedwōj Ilan̄ ta eo jej aikuji im ia eo jej aikuj leļo̧k aolepen ad n̄ane. Em̧m̧an An loe kōj im enaaj m̧ōņōņō in jipan̄ kwaļo̧k m̧ōjņo ko ad. 11 Bōlen kwonaaj ekkatak bwe kwoj aikuj eļapļo̧k kūjenmij, ettā, iakwe em̧ool, iakwe, kōjatdikdik, kūjejeto, ak bokake im āt ko jet. 12
Jejjo iien remootļo̧k, ekar wōr juōn Aō en̄jake em̧m̧an ilowaō ke juōn iaan rūtōl in iakwe eo ilo Kabun̄ in ekar kōm̧m̧ane juōn ļōmņak bwe Imaron̄ kōjerbal juōn jon̄ak kōn juōn m̧wil. Ekar jipan̄ iuuni jen jabdewōt menin oktak. Bon̄ ņe, Iaar kwaļo̧k en̄jake eo aō ippān lio pāleeō. Kōrā eo ekar likkun m̧ōņōņō ilo an kar errā kōņ kōļmenļo̧kjen eo. Jetōb Kwojarjar eo eaar kam̧ool n̄an n̄a bwe naan in jipan̄ eo ekar jen Jemed Ilan̄ eo ej iakwe.
Emaron̄ bar lukkun jipan̄ n̄an m̧ool im kam̧ōj m̧akūtkūt in m̧wūl eo an Kraist ilo jepta 6 in Preach My Gospel. 13
Eļan̄e em̧ōj am̧ kōm̧m̧ane m̧akūtkūt in ilo m̧ool im kadedeļo̧k n̄an jinoe juōn etetal lōn̄ļo̧k ilo toļ in, kwoj aikuj in ukeļo̧k. Būreejitōn Russell M. Nelson ekar kwaļo̧k ilo iakwe: “Eļan̄e jej kālet n̄an ukeļo̧k, jej kālet n̄an oktak! Jej kōtļo̧k an Rilo̧mo̧o̧r eo ukōt kōj n̄an juon nememe eo ekāāl ad make. Jej kāālet n̄an eddōļo̧k ilo jetōb im bōk lan̄lōn̄—lan̄lōn̄ eo jān pinmuur ilo E. N̄e jej kāālet n̄an ukweļo̧k, jej kāālet n̄an erom̧ āinwōt Jisōs Kraist! 9
Erom einwōt Jesōs Kraist enaj aikuji oktak ilo bōro im ļōmņak ko, aet, eļap ilo kōj, im ilo kōm̧m̧ane menin ej pidodo ilo kōjbarok eo an Jesōs Kraist. 15
Kwaļo̧ke im Jerbal
Kiō ke em̧ōj am kōm̧m̧an e n̄an oktak im ukeļo̧k im bukot tōl jen jar, m̧ool ilo kōļmenļo̧kjen kake, im bukot naan in kean̄ jen ro jet, kwoj aikuj kāālet juōn m̧wil eo im enaj oktak im juōn am̧ kōttōbar. Kwonaaj aikuj n̄an leļo̧k am̧ n̄an kajjeon̄ jon̄an maron̄. M̧wil kein reban itok ilo pidodo im jidimkūj, ak kōn jouj eo An renaj itok ilo aer ļapļo̧k ilo am kajjeon̄.
M̧wil kein an Kraist rej menin letok jen juon Jemed Ilan̄ eo ej iakwe n̄an kojeram̧m̧an kōj im ro jet ipeļakūd. Ilo Jōkjōk in, kūjejeto ko ad n̄an bōk m̧wil kein renaj aikuj en̄jake ilo bōro jen jipan̄ eo An. Eļan̄e jenaj bukot menin letok kein n̄an jipan̄ ro jet, Enaj jipan̄ kōj ilo ad kajjeon̄. Pukot menin letok in jen Anij n̄an kwe enaj juōn jem̧ļo̧k eo ejjab em̧m̧an im ekainepata.
Ilo am̧ likkun leļo̧k am̧ n̄an juōn m̧wil eo emenin aikuj, ilo am eddo̧kļo̧k n̄an bōk m̧wil in, m̧we ko jet renaj waļo̧k n̄an kwe. Ejjab maron̄ juōn armej eo ej leļo̧k ilo an ļōmņak kōn iakwe em̧ool ejjab ļapļo̧k ilo aikwe im ettā ke? Ejjab maron̄ juōn armej eo ej leļo̧k ilo an ļōmņak kōn pokake ejjab bōk eļapļo̧k ilo kūjejeto im kōjatdikdik ke? Jon̄an wōt an kajjeon̄ n̄an bōk juōn m̧wil enaj oktak im einwōt dān ej ļapļo̧k im kotak loon ko lo harbor eo.
Rekoot im Rejtake
Eminin aorōk n̄an ilo Aō kajjeon̄ oktak im erom einwōt E n̄an bōk en̄jake ko im ta ko Ikar katak. Ilo ao ekkatak juōn iaan m̧wil ko An jen tum̧ūlaļ in kōļmenļo̧kjen eo aō, jeje ko rekwojarjar rej otkak im kāāl ilo I loe waan jon̄ak ko kōn m̧wil in ilo katak ko An, iien kwaļo̧k eo An, im rikaļoor ro An. Meja ebar einwōt oktak im dāpdep ilo kajjeon̄ mije m̧wil in ippen ro jet. Em̧ōj ao etale kajojo ro rem̧m̧an ekoba itulowa im itulik in Kabun̄ in ro ewōr m̧wil kein im rej pijakļo̧k E. Rej jet waanjon̄ak ko rōkajoor im ej wāween ko im m̧wūl kein remaron̄ kwaļo̧k ilo mour kein jen iakwe eo An ejouj.
Bwe jen maron̄ loe lukkun eddōkļo̧k, kwoj aikuj likūt aolepen am̧. Ej einwōt tallōn̄ e juōn toļ ej aikuji kōpopo m̧okta, im kūjenmij im kūjejeto ilo iien walōn̄ļo̧k, bwe n̄an iiaļ in ej aikuji kajjeon̄ im karmejete. Lukkun Rikūrijin, eo im jej kajjeon̄ n̄an erom einwōt Master eo, ej aolep iien kōņan jon̄an wōt ad maron̄. 16
Kiō jidik naan in kakkōl. Kakjien eo me erom einwōt E ejjab n̄an kōm̧m̧an bwe kwon en̄jake būromij, jab weppen, ak jab iakwe. Aolepen men jej iooni ilo mour in kannik ej n̄an eddōkļo̧k, kajjeon̄, wōtlo̧k, im tōbrak. Jon̄an wōt an kōrā e ippa im N̄a kōņaņ bwe kōm enkar kiilļo̧k mejamro im kajju leļo̧k kom̧ro n̄an ilo̧n̄tata, en̄in ejjab āindein mour in.
Em̧m̧an jon̄aņņe kwoj ped ie, kwoj riakwe, bōtaab ejjab meļeļe in bwe kodedeļo̧k. Elōn̄ jerbal ko rej aikuj dedeļo̧k ilo mour in im eo tok juon. Ilo wōt jipan̄ eo An jemaron̄ kōjwōj kajojo eddōkļo̧k m̧aanļo̧k erom einwōt E.
Ilo iien kein me, “aolep men rej [waļo̧k n̄an] ilo iien epoktak; im … mijak [ej einwōt] eped ioon aolep armij,” 17 uno eo de eo, kōmour eo emake, ej kajjeon̄ n̄an einwōt Rilo̧mo̧o̧r eo, 18 Ripinmuur 19 eo an aolep armej, Meram eo n̄an Laļin, 20 im pukot ilikūnļok Eo ej kwaļo̧k, “N̄a ij iaļ eo.” 21
Ijeļā bwe erom einwōt E ilo An jipan̄ im kajoor ej wōnm̧anļo̧k eo jeramon̄ tōbare ilo jidik kōn jidik. In eļan̄e ejjab, Ejjab maron̄ letok n̄an kōj kakien in. 22 Ijeļā men in—ej m̧ōttan kōnke Ij loe m̧wil ko An ippen elōn̄ ro iami. Kōn men kein Ij kam̧ool ilo etan Jisōs Kraist, amen.