Oktak ko in Ritōl kar Kōjjeļļā kaki

Ilo Okotba 2020 kweilo̧k eo eļap, juon membōr kāāl an Būreejtōnji eo an Jiljilimjuonn̄oul eo, juon Ritōl Rotiej Jiljilimjuonn̄oul, juon membōr in Bisoprik eo ej Tōl, im emān eria Jiljilimjuonn̄oul kāāl ro kar kōjjeļļā kaki.

Elder Brent H. Nielson kar rejetake āinwōt juon membōr in Būreejtōnji eo an Jiljilimjuonn̄oul eo, ālkin kar kōtļo̧k Elder L. Whitney Clayton, eo kar leļo̧k n̄an e emeritus. Elder Patrick Kearon kiiō ej jerbal āinwōt Senior Būreejtōn eo an Jiljilimjuonn̄oul eo, jerbal eo Elder Clayton ekar kabwijere.

Elder Dean M. Davies kar rejtake āinwōt Ritōl Euteej Jiljilimjuonn̄oul, ālkin kōtļo̧k eo an āinwōt Rikakpilōklōk eo Kein Kajuon ilo Bisoprik eo ej Tōl. Bisop W. Christopher Waddell kar rejtake n̄an bōk jikin Elder Davies āinwōt Rikakpilōklōk eo Kein Kajuon ilo Bisoprik eo ej Tōl, Bisop L. Todd Budge,eo kar kōtļo̧ke āinwōt juon Ritōl Euteej Jiljilimjuonn̄oul, kar rejtake āinwōt Rikakpilōklōk eo Kein Kajruo (jerbal eo kar m̧oktaļo̧k kabwijere jān Bisop Waddell).

Elder Enrique Falabella im Elder Richard J. Maynes raar barāinwōt kōtļo̧k er āinwōt Ritōl Euteej Jiljilimjuonn̄oul ro im leļo̧k n̄an er jekjek eo an emeritus.

Bwebwenato in mour ko an ritōl ro kar kāālet er repād ilo jinoin peij in. Kōtļo̧k eo an 47 Eria Jiljilimjuonn̄oul ro im kūr ko an emen Eria Jiljilimjuonn̄oul ro raar barāinwōt kōjjeļļā kaki (lale peij 30).