Ennaan eo kōn M̧akūtkūt in Tampeļ

Būreejtōnji eo Kein Kajuon ekar kōttōlo̧k ennaan in ilo Juļae 20, 2020 eo, kōn oktak ko n̄an m̧akūtkūt in bōk menin letok kwojarjar eo an tampeļ.

“Katak ko rekwojarjar, kallim̧ur ko, im m̧akūtkūt ko an tampeļ rej jebar tok jān etto, im an̄inļo̧k ajri ro nejin Anij n̄an E ilo aer kōm̧m̧ani bujen ko rellōn̄ļo̧k im ekkatak eļapļo̧k kōn karōk eo An, ekoba jerbal eo an Rilo̧mo̧o̧r Jisōs Kraist.

“Kōn im̧we, jekjek ko an naan in kōmeļeļe eo ilo iminene eo an tamepļ kar ukōte elōn̄ alen ko, em̧ool ilo bwebwenato eo kiiō epaak, n̄an jipan̄ membōr ro em̧m̧anļo̧k aer meļeļe im mour kōn ta eo rej ekkatak ilo tampeļ.

“M̧ōttan eo kōn iminene an tampeļ ekoba kōm̧mani bujen ko rekwojarjar, ak kallim̧ur ko, n̄an Anij. Enan̄in aolep armej rej jeļā kōn kōl ko an kōkaļļe eo me ej itok ilo kōm̧m̧ani bujen ko an kabun̄ (ko āinwōt jar, waļoktok eo an juon armej ilo peptaij, ak jibwe pein doon ilo iien m̧are eo). Ainļo̧k wōt kōkaļļe eo, kōl ko an kōkaļļe eo ej itok ilo kōm̧m̧ani bujen ko an tampeļ.

“Kōn juon n̄ūrbōktak n̄an aolep im juon ikdeelel n̄an kōļapļo̧k jeļā eo kōn ekkatak kōn tampeļ, oktak kiio repaak kar kōmālimi n̄an m̧akūtkūt eo an iien bōk menin letok kwojarjar. Kōnke kōn kwojarjar eo an iien m̧akūtkūt ko an tampeļ, kōmij kajjitōk ippān membōr ro ad im ro m̧ōttad n̄an jab ļōmņak in ak ekōnono ko ilo lobwilej kōn oktak kein. Ijello̧kin, kōmij kajjitōk ippān membōr ro an Kabun̄ in n̄an wōnm̧aanļo̧k wōt im reim̧aanļo̧k n̄an raan eo remaron̄ bar ro̧o̧l n̄an lukkuun bōk koņaer ilo jerbal kwojarjar eo an tampeļ ilo jar im kam̧m̧oolol.