Bok in Bōk Meļeļe eo Epād ilo Digital Format

Jekjek eo n̄an bar kōkaāl Bok in Bōk Meļeļe eo: Jerbal ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata ej wōnm̧aanļo̧k wōt, ippān ukok ko an kein katakin kar kaālet ilo 21 kajin ko reļļap ejjab to naaj diwōjtok.

Bok in bōk meļeļe eo ekāāl kar jeje ilo digital ilo Kajin In̄lij ilo Pāpode in 2020 eo, kōn elōn̄ļo̧k kein katakin ko kar bar kōkāāl ilo M̧aaj im Juļae eo. N̄an kiiō, 16 jepta ko in bok in 38 jepta in raar bar je im kwaļo̧k. Jepta ko jet renaaj bar kōkāāli ilo allōn̄ ko rej itok, ekoba revision ko n̄an kadikļo̧k aitokan im kapidodokļo̧k jon̄an riiti.

Ejjab tok ālkin 2020 kweilo̧k eo eļap, jebta 32, “Ukweļo̧k im Ko̧o̧njel ko an Ro Uwaan an Kabun̄ in,” im jijdikdik in jekjōn 38.6, “Policies on Moral Issues” (eo ej rie jebta 32), naaj jino jeje ilo 21 kajin ko (kobaļo̧k n̄an Kajin English). Jebta ko jet rej ukok im pojak n̄an jeje ilo allōn̄ ko rej itok, im āliktata aolep kein katak ko renaaj pād ilo 35 kajin ko.

Men̄e bok in bōk meļeļe eo ej pād ilo website eo an Kabun̄ in im ilo Gospel Library app eo, armej ro bok in eļap tata an iookļo̧k er ej ritōl ro an Kabun̄ in. Bok in bōk meļeļe eo bar kōkāāle ej bōk jikin Bok in bōk meļeļe 1 (n̄an stake būreejtōn ro im bisop ro) im Bok in bōk meļeļe 2 (aolep ritōl ro) im kobaik aolep meļeļe ko an bok in bōk meļeļe n̄an juon wōt bok.

Ļōmān karōk eo n̄an bok in bōk meļeļe eo ekāāl ej jerbal in lo̧mo̧o̧r eo im mour āinwōt Anij, eo ej kobaik emen eria in pedped ioon ilo ad itok n̄an Kraist im jipan̄ ilo jerbal eo An:

1. Mour kōn gospel eo an Jisōs Kraist

2. Jipan̄ armej ro rej pād ilo aikuj

3. Karwainene aolep n̄an bōk gospel eo

4. Kobaik baam̧le ko n̄an indeeo

Jebta ko kar karōki n̄an jipan̄ ritōl ro aolepān laļ in jerbal kōn kea eo āinwōt an Kraist n̄e kōjerbal elōn̄ būrookraam̧ ko, kakien ko an Kabun̄ in, im jekjek ko im , n̄e emenin aikuj, ukukti n̄an jekjek ko an ijo jokwe ie.

Jeje ilo digital an bok in bōk meļeļe eo ej kōtļo̧k bar kōkāāl ko im revision ko n̄an er kōm̧m̧an ilo an Kabun̄ in eddōkļo̧k im ilo an kakien ko ukukti. Pedped in katak ko an meļak im ukuōt kar kobaik ilo bok in bōk meļeļe eo ejipan̄ ritōl ro im membōr ro jetjet kōjerbal pedped in katak ko im būrookraam̧ ko an Kabun̄ in ilo jarlepju ko ilo aolep dettan ko im ilo juon oktak, jukjuk in pād aolepān laļ in an Rikwojarjar ro.