Elder Brent H. Nielson
Būreejtōnji eo an Jiljilimjuonn̄oul
Juon iaan katak ko raorōk Elder Brent H. Nielson ekar ekkatak ālkin an juon uwaan baam̧le eo an kar ilo̧k jān Kabun̄ in ium̧win jet iiō ko ej bwe aolep ajri ro nejin Anij rej aikuji iakwe eo an Rilo̧mo̧o̧r eo im kajoor in kōmour eo an Pinmuur eo An.
Ke kar ekkatak Luk 15 ippān baam̧le eo an ilo iien in, Elder Nielson ekar ron̄ kōn būrabōļ eo kōn nejin eo ejerwan ilo juon wāween ekāāļ.
“Kōn jet un ko, ikar en̄jaake āinwōt juon ļaddik eo ej pād wōt ilo m̧weo. … jibbon̄ōn eo, ikar loe bwe ilo jet wāween I kar bar juon nejin eo ejerwaan,” ekar ba. “Kōj aolep jej likjab jān aiboojoj an Jemān (lale Rom 3:23). Kōj aolep jej aikuji Pinmuur eo an Rilo̧mo̧o̧r n̄an kōmour kōj. Kōj aolep jej jebwābwe im jej aikuj bar jepļaaktok.”1
Elder Brent H. Nielson kar rejetake āinwōt juon membōr in Būreejtōnji eo an Jiljilimjuonn̄oul eo ilo Oktoba 3, 2020 eo, ālkin kar kōtļo̧k Elder L. Whitney Clayton, eo kar leļo̧k n̄an e emeritus.
Elder Nielson ekar ļotak ilo Burley, Idaho, USA, ilo Tijemba 8, 1954 eo. Āinwōt juon likao ekar jerbale juon mijen aolep raan ilo Finland. Ekar m̧areik Marcia Ann Bradford ilo Juun in 1978 eo ilo Salt Lake Tampeļ. Rej jinen im jemān jiljino ajri ro.
Elder Nielson ekar bōk bachelor degree in arts eo an ilo English jān Brigham Young University ilo 1978 eo. Ilo 1981 eo ekar bōk juon juris degree jān University of Utah. Tokālik ekar jerbal āinwōt juon attorney im m̧ōtta ilo juon law firm ilo Twin Falls, Idaho, USA, ium̧win epaakeļo̧k 30 iiō ko.
Elder Nielson ekar jerbal āinwōt juon rikakpilōklōk ilo Pacific Eria eo im Philippines Eria eo āinwōt juon Philippines Eria Būreejtōn. Jān 2015 eo n̄an 2020, ekar jerbal āinwōt Executive Director an Missionary Department eo.
M̧oktak jān kūr eo an āinwōt juon Ritōl Eutiej Jiljilimjuonn̄oul an Kabun̄ in ilo Eprōļ in 2009 eo, ekar jerbal āinwōt būreejtōn an Doulul eo an Likao ro ilo ward, bisop, ko̧o̧njeļōr utiej, rikakpilōklōk ilo stake būreejtōnji, stake būreejtōn im Eria Jiljilimjuonn̄oul ilo Idaho Eria eo.