Meļeļe eo Ekāāl kōn Reivison eo an Bok in Al in Jar eo

Ilo Juun 2018 eo, juon revision an bok in al in jar eo im bok in al eo an ajri ro an Kabun̄ in kar kōjjeļļā kake, ippānļo̧k juon kajjitōk kōn elmakot an membōr kōn al ko rekwojarjar im juon kūr n̄an an membōr jilkinļo̧k al in jar ko, al ko, im naan ko m̧oktata. Epaakeļo̧k 50,000 membōr ro raar uwaake juon ekkatak in elmako ikkijien al ko ad rekwojarjar kiiō. Ro raar uwaak raar barāinwōt kwaļo̧k en̄jake ko aer kōn al ko kāāleti kar elmakoti jān kabun̄ ko jet me rej ļōmņak kaki n̄an kobaiki.

Elōn̄ļo̧k 16,000 al ko kar jilkinļo̧k raar būki jān membōr ro ilo 66 laļ ko. Al in jar kein m̧oktata im al ko rej etali ilo an m̧ōj kōm̧akūt etan ro raar je ak kini al ko ilo elōn̄ kōttan jān juon kumi in membōr ro rōkapeel im jān kamiti in revision ro ilo opiij ko rellap an Kabun̄ in.

Kamiti ko rej kam̧m̧oolol n̄an membōr ro ilo aolepān laļ in kōn letok iien ko aer im tōļan ko n̄an jipan̄ ro jet itok epaakeļo̧k Rilo̧mo̧o̧r eo kōn al in jar ko rekwojarjar. Ilo an aolep al ko jikkintok im elmakot ko rej kanooj mejmejkaruo ilo aer kar ļōmņak kaki, ej kōtmene bwe al kein aini rekāāl naaj pojak ilo jejjo iiō ko.