Elder Dean M. Davies
Ritōl Eutiej Jiljilimjuonn̄oul an Kabun̄ in
Ke kar ettōrļo̧k n̄an m̧weo im̧ōn jān jerbal ilo 1989 eo, Elder Dean M. Davies ekar pād ilo juon m̧akūtkūt in laļ ilo San Francisco, California, USA, me ekar lukkuun in kōlāle wa eo waan. Tokālik, ke ekar lin̄uri tōprak in jorrāān eo n̄an eria eo, kar kakeememej e kōn aorōk eo an kalōk mour ko ad ioon juon pedped em̧ool.
“Ejjeļo̧k iaad ilo ad jeļā kalōk im̧ōko im̧ōd, jikin jerbal ko, ak im̧ōko rekwojarjar im̧ōn kabun̄ jar ioon bok ak rōm̧ in dekā ak ilo an ejjeļo̧k karōk ko rejetjet im ujikinen ekkaļ ko,” ekar ba. Kōtlo̧k bwe jen bōk kūr eo an Rilo̧mo̧o̧r n̄an itok n̄an Ippān. Kōtlo̧k bwe jen kalōk mour ko ad ioon juon pedped epen im m̧ool.”1
Elder Davies, eo ekar jerbal ilo Bisoprik eo Eutiej ej Tōl jān Eprōļ in 2012 eo, kar rejtake āinwōt juon Ritōl Eutiej ilo Jiljilimjuonn̄oul eo ilo Oktoba 3, 2020 eo. Ilo Bisoprik eo Eutiej ej Tōl, Elder Davies ekar jerbal āinwōt Rikakpilōklōk eo Kein Karuo n̄an Bisop Gary E. Stevenson m̧ae iien eo bisop Stevenson ekar rejtake āinwōt juon membōr in Doulul eo an Jon̄oulruo Rijilōk ro ilo Oktoba 3, 2015 eo. Innām Elder Davies kar rejtake āinwōt Rikakpilōklōk eo Kein Kajuon n̄an Bisop Gérald Caussé, eo ekar bōk jikin Elder Stevenson āinwōt Bisop eo Eutiej ej Tōl ekāāl.
Dean Myron Davies ekar ļotak ilo Salt Lake City, Utah, USA, ilo 1851 eo. Ālkin jerbal āinwōt juon mijenede ej jerbal aolep raan ilo Uruguay/Paraguay Mijen, ekar m̧areik Darla James ilo 1973 eo ilo Salt Lake Tampeļ. Ewōr nejierro 5 ajri ro im 17 jibwierro ajri.
Ilo Juļae in 1995 eo, ekar jino jerbal n̄an Kabun̄ in, ijo ekar managing director an Special Projects Department eo, kōn eddo n̄an special-purpose real estate, temple design, im ekkal tampeļ. M̧oktaļo̧k jān an jerbal ilo Kabun̄ in, Elder Davies ekar jerbal n̄an High Industries, Inc., in Lancaster, Pennsylvnia, USA, im Bechtel Investments, Inc., ilo San Francisco. Ekar bōk bachelor degree eo an ilo agricultural enonomics ilo Brigham Young University im kar kadedeļo̧k advanced executive program ko ilo Stanford im Northwestern University ko.
Bisop Davies ekar jerbal āinwōt būreejtōn eo an Puerto Rico San Juan Mission, rikakpilōklōk n̄an mijen būreejtōn, stake būreejtōn, rikakpilōklōk n̄an stake būreejtōn, stake executive secretary, ko̧o̧njeļ eutiej, im ilo jet bisoprik ko.