Auala e Faaaoga ai ae Lē o le lofituina e Ala o Faasalalauga Faaleagafesootai

Saunia e Faith Ferguson

O ni nai auala nei na ou aoaoina ina ia faaaoga ala o faasalalauga faaleagafesootai o se meafaigaluega mo le lelei.

Ou te manatu o nisi taimi e mafai ona maua tatou i ala o faasalalauga faaleagafesootai, pe o le moemiti o se fale mautu i le lumanai, le fuafuaina pe faapefea ona faia au vali mata e aunoa ma se faaletonu, pe moomoo foi sa tatou i ai i le tafaoga lea na alu ai la tatou paaga i le galuega tuai. E ui e mafai ona faaaogaina ia ala o faasalalauga faaleagafesootai mo le tele o faamoemoega lelei, ae e mafai foi ona faatiga ai i tatou e ala i le faaleagaina o lo tatou loto pulea, faia o o tatou faamoemoega i se maualuga sili atu, ma faateleina ai le tele o le lotoleaga tatou te lagonaina i isi.

I le avea ai ma tagata tusitusi i luga o le initoneti, ua ou iloaina e matuai faigofie lava ona aafia a’u i nisi o nei taunuuga e faaleagaina ai e ala o faasalalauga faaleagafesootai. E tatau ona ou aoaoina auala e mafai ona ou i ai i ala o faasalalauga faaleagafesootai ae le o le taulai atu i lo’u olaga mai lea aso i lea aso. O nisi nei o mea ou te faia e fesoasoani ia te au i le faaaogaina o ala o faasalalauga faaleagafesootai e fai ma meafaigaluega mo le lelei:

Seti se tapulaa i le tele o le taimi o le a e faaaluina i luga o faasalalauga faaleagafesootai i aso taitasi. A leai, e mafai ona avea minute ma itula.
Ia i ai se faamoemoega mo le alu i luga o ala o faasalalauga faaleagafesootai. Afai o loo e i ai i ala o faasalalauga faaleagafesootai e aunoa ma se faamoemoega i le mafaufau (mo se faataitaiga, pe a na o le i ai o se mea e te faia ona ua leai se mea e fai), o le taimi lena o le a e faamaimaua ai le tele o le taimi.
Manatua le tulaga sili atu. O le toatele o tagata i ala o faasalalauga faaleagafesootai ua na o le faaali atu o vaega lelei o o latou olaga, ma e mafai ona foliga mai o o latou aafiaga uma o le susulu pea o le la ma le nuanua. Ae e te le o vaaia mea uma. O tua atu o vaaiga, atonu e tutusa lava le pisi o o latou olaga e pei o oe. Aua e te faatusatusaina oe lava i isi. Ua lava mea ia te oe, ma ua lava oe. Na faamanatu mai ia i tatou e Elder Gary E. Stevenson o le Korama a Aposetolo e Toasefululua, “O le faatusatusaina o lo tatou lava faamasani e foliga mai o loo i ai i tagata o mamanuina i mea ua faasaoina lelei, o ola atoatoa e pei ona faaalia i luga o ala o faasalalauga faaleagafesootai e ono tuua ai i tatou i lagona o le lotovaivai, matau’a, ma le toilalo.”¹
Aua le faasoa atu i mea vaivai. Afai e i ai se mea e aumaia ai oe i lalo i taimi uma, le fiafia i ai, le mulimuli ai, po o le le faauoina. O faasalalauga faaleagafesootai e le tatau ona tuua ai oe ma ni lagona le mautonu. Mulimulitai, faauo, ma fiafia i tagata ma mea o le a fesoasoani e faaleleia atili ai oe ma aso taitasi o lou olaga.
Saili e alofa, uunaia, ma musuia isi. Nai lo le faaaogaina o faasalalauga faaleagafesootai ina ia e foliga lelei ai, taumafai e faaaoga e fesoasoani ai i isi ia lagona le alofaina ma lo latou taua. Faasoa atu le lelei. Ia nofouta i tagata atonu e foliga mai e pei o loo latou manaomia se uo ma aapa atu ia i latou e faasoa atu se savali faagaeetia!

Sa saunoa mai foi Elder Stevenson: “Sa faamanatu mai ia i tatou e Sister Bonnie L. Oscarson … , o le manuia i le olaga e le o le tele o faasoa ua tatou maua po o le tele o uo ua tatou maua i faasalalauga faaleagafesootai poo e mulimuli ia te oe. E i ai, peitai, e i ai se uiga i le fesootai anoa ma isi ma faaopoopo atu le malamalama i o latou olaga.”²

E tatau ona avea lena ma a tatou sini pe a faaaoga faasalalauga faaleagafesootai.

Manatua a tatou matamata i faasalalauga faaleagafesootai e ala i tioata o le talalelei ma saili e faaaoga i ni auala lelei, o le a le mafai ona tatou tumau ai i mafaufauga o le faatusatusa po o le lotovaivai. Nai lo lena, o le a tatou o ese atu mai faasalalauga faaleagafesootai ma lagona faagaeetia ma le faaosofia e faia le lelei.