O le Talalelei: O se Taula i se Taimi o Suiga

I le 2020 ua tatou onosaia ai mala faalenatura ma se faama’i pipisi i le lalolagi atoa. Ua tatou suesueina le Tusi a Mamona e ala i le Sau, Mulimuli Mai ia Te A’u faatasi ma o tatou uso ma tuafafine latalata mai ma e mamao. Ua tatou aufaatasi ma le lalolagi atoa i le anapogi ma le faatuatua.

I se lalolagi fesuisuiai, e mafai ona tatou taulaina o tatou agaga i lo tatou Faaola, o Iesu Keriso, ma Lana talalelei toefuataiina. Matou te faamoemoe o le a fesoasoani ia te oe nei tusiga ma isi tusiga o lenei lomiga, e lagona ai le Agaga o le Kerisimasi, o le Agaga lea o le Alii:

• Ua aoao mai e Elder D. Todd Christofferson le pogai tatou te manaomia ai se Faaola (tagai i le itulau e 12).

• I le “Faasoaina Atu o le Malamalama o le Faaola i le Kerisimasi,” ua matou fautuaina atu ai ni manatu mo auaunaga i le vaitau o le Kerisimasi (tagai i le itulau e 8).

• Ua tusi e Jakob Jones e uiga i ni meaalofa se fa e mafai ona tatou tuuina atu i le Alii ina ia mafai ona valaaulia ai le meaalofa o le Agaga Paia i o tatou olaga (tagai i le itulau e 28).

• I le amataga o lenei tausaga, na faamaonia ai e le Au Peresitene Sili le lomiga o mekasini fou e tolu a le Ekalesia, e amata atu i le masina fou: e tasi mo tagata matutua, tasi mo le autalavou, ma le tasi mo fanau. O nei mekasini o le a maua i le tele o gagana, e aumaia le talalelei i Au Paia o Aso e Gata Ai i le lalolagi atoa. E ala atu i nei mekasini fou, o le a faaauau ai pea ona tatou faalogo i le siufofoga o le Alii e ala i Ana auauna ma fesootai atu i le tasi ma le isi o ni tagata o se Ekalesia o le lalolagi aoao. (Aoao atili i le itulau e 6.)

Ia manuia le Kerisimasi mai le aufaigaluega a le Liahona