O Meaalofa o le Alofa mo Iesu

Saunia e Peresitene Henry B. Eyring

Fesoasoani Lua i le Au Peresitene Sili

Sii mai le “Gifts of God,” faigalotu a le Iunivesite o Polika Iaga, Tes. 1980.

Na auina mai e le Tama ia i tatou Lona Alo, o Iesu Keriso. Ma na tuuina mai e Iesu Lona soifua mo tatou ina ia tatou toe mafuta faatasi ai ma Ia. O le meaalofa silisili lea o meaalofa uma. Na foai fua mai e Iesu lenei meaalofa ia i tatou.

Atonu e te manao e avatu se meaalofa ia Iesu. O a ni meaalofa e mafai ona e avatu ia te Ia?

E mafai foi ona e tatalo.

E mafai ona e faitaua se mau.

E mafai ona e tausia poloaiga.

Ma o loo tele pea nisi mea e mafai ona e tuuina atu ia te Ia. O loo siomia oe e tagata e alofa i ai o Ia o e e mafai ona e fesoasoani atu i ai.

Ou te tatalo o le a tatou foai fua atu, e pei ona sa faia e Iesu.

Pepakiona o Auaunaga

E mafai ona tatou tuuina atu se meaalofa ia Iesu e ala i le auauna atu i isi. Fai se fasipepa kiona o auaunaga e faamanatu atu ai ia te oe po o ai e mafai ona e auauna atu i ai.

Oti ese le li’o.
Gagau le lio i le afa i luga o se tasi o laina. Ona toe gagau afa lea, ma toe gagau.
Oti i luga o laina motumotu i luga o le auivi o le tagata. Aua nei otiina pito o vae ma lima.
Tatala le pepa ma tusi i luga o tagata taitasi le igoa o se tasi e mafai ona e auauna atu i ai.