Talofa mai Farani!

Salut! O i ma’ua o Margo ma Paolo!

O loo ma malaga faataamilo i le lalolagi e aoao e uiga i fanau a le Atua. Faatasi mai ma i ma’ua a o ma asiasi i Farani!

E toeitiiti atoa le 40,000 tagata o le Ekalesia i Farani! O le malumalu i Pale, Farani, sa faamae’aina ia Me 2017.

O le Tusi a Mamona lenei i le gagana Farani.

O le Louvre, i Pale, o le falemataaga o faatufugaga aupito sili lea ona tele i le lalolagi! E silia ma le 380,000 vaega o faatufugaga o loo i ai.

I Farani i saute, e saunia tagata mo le Kerisimasi e ala i le faia o se “crèche,” po o se vaaiga i le fanau mai o le Faaola. E tumu le vaaiga i tagata o loo faatalitali mo le fanau mai o Iesu Keriso. I le Po o le vaeluaga o le Kerisimasi, latou te tuu ai le faatagata o le pepe o Iesu i le crèche!

O tamaiti Farani e fiafia e taaalo i se taaloga e ta’ua o le “escargot.” E te puna i totonu o se siepi taviovio ina ia oo atu ai i le faaiuga!

O Farani e lauiloa mo ana falaoa ma sisi. E toatele tagata e faatauina mai ni baguettes felesi mai boulangeries (falefalaoa) i aso uma.

Feiloai i nisi o a ma uo mai Farani!

Ou te fiafia i mea uma e faatatau i le Peraimeri—o pese, o faiaoga, o gaoioiga, ma mea ou te aoaoina e uiga ia Iesu Keriso. E faapitoa lou fiafia i ai pe a matou faamanuia atu aso fanau o tamaiti. Ou te taulai atu i le Peraimeri i vaiaso taitasi.

Julien B., 10 tausaga, Haute-Garonne, Farani

O le tala e sili ona ou fiafia i ai o le Tusi a Mamona o le tala e uiga ia Nifae i lona faamagalo atu ma le alofa i ona uso. Faafetai i le faataitaiga a Nifae, o lenei vaega o tusitusiga paia e fesoasoani tele ia te au, e faigofie ai ona ou talosaga i ou uso mo le faamagaloga pe a matou fefinaua’i ma faamagalo atu foi.

Evelyne N., 6 tausaga, Île-de-France, Farani

E te sau mai Farani? Tusi mai ia i ma’ua! Ma te fiafia lava e faalogo atu ia te outou

Faafetai mo le matamata solo i Farani faatasi ma i ma’ua!