Na Faasaoina e Moronae Tusitusiga Paia mo i Tatou

Faitau i le mea lenei i le Mamona 8 ma le Faatomuaga o le Tusi a Mamona.

Sa tuufaatasia e le perofeta o Mamona se tusi e uiga ia Iesu. Sa ia tusia i luga o papatusi auro. A o lei maliu o ia, sa fai atu Mamona i lona atalii o Moronae e tausi lelei le tusi.

Na faia e Moronae le mea na fai atu ai lona tamā. Sa ia tausia ma le saogalemu ia papatusi. O nisi taimi sa tatau ai ona lafi o ia mai tagata amioleaga. Sa masani ona ia lagonaina le tuuatoatasi. Ae sa ia iloaina e taua tele le tusi.

Sa asiasi atu Iesu ia Moronae! Sa Ia faaali atu ia Moronae le auala o le a fesoasoani ai le tusi i le toatele o tagata e pei o oe ma au. Na faaopoopo atu e Moronae lana molimau i papatusi. Sa ia tusi mai ia i tatou e pei o la sa tatou i ai iina faatasi ma ia.

Na faatonu e le Atua ia Moronae e tanu papatusi ina ia malupuipuia ai. I le tele o tausaga mulimuli ane, sa faaliliuina ai e Iosefa Samita. O lenei la ua lolomiina o le Tusi a Mamona.

O le Tusi a Mamona na tusia mo a’u! E mafai ona fesoasoani ia te au i soo se faafitauli. O se meaalofa mai le Atua.