Itulau i le lotoifale
O Se Vaaiga Manino i “Mea Na Tutupu”
Na ou tilotilo i le Talafaasolopito o le Ekalesia o le ‘latou talafaasolopito’ ma ‘latou tala’ . . . ae le o a’u!
Na ou fanau ma ola i Aferika i se tama palagi ma se tina Rotisa/Italia, na ou lagonaina le matuā leai o so’u so’otaga i paionia muamua o le ekalesia i Amerika. O le mea moni, na ou tilotilo i talafaasolopito o le Ekalesia o o ‘latou talafaasolopito’ ma o ‘latou tala’ . . . ae le o a’u!
O le mea lea, sei vaai faalemafaufau la i lo’u ofo tele ina ua ou vaai i se savali mai le FamilySearch o oso ane i la’u itulau o le Facebook o faailoa mai ia te a’u e i ai so’u augatamā o se paionia! O le taimi lava lea na ou lagonaina ai se so’otaga i tagata muamua o le ekalesia ma faafuase’i ai ona ou i ai i se isi tala fou atoa.
O lona suafa o Margaret Rebecca Bird; i le avea ai o se tamaita’i e 13-tausaga le matua, na ia tu’ua ai Kanesville, Indiana faatasi ma Uilifoti Uitilafi i le vaega o taavaletoso e agai atu i le Vanu o Sate Leki. O nā paionia na mafai ona latou onosa’ia le savaliga faigata i le 120 aso e ui atu i atu mauga tetele e agai atu i Iuta.
I le taimi lea sa ou lagona atili ai le avea o a’u o se vaega o le valoaga a Malaki, o le a liliu loto o fanau i matua1—e o’o lava i o’u tama o lo’o i se nofoaga mamao lava.
Ma na faaauau pea ona o’o mai faamanuiaga. Ua mafai nei ona ou faitau e uiga i le tele o a’afiaga o paionia totoa i tagata o le au paia, e fa voluma o nei tusi, o tala o Le Ekalesia a Iesu Keriso o le Au Pa’ia o Aso e Gata Ai i aso nei e gata ai. Voluma 1 ma le 2 ua uma ona lolomiina
O Elder Dale G. Renlund o le Korama a Aposetolo e Toasefululua, na faapea mai: “O talafaasolopito o le Ekalesia e taua e le gata i tagata o le Ekalesia ae faapena fo’i i le Alii.”2 Ia Aperila 1830, na fetalai ai le Alii: “Faauta o le a i ai ni faamaumauga o le a teuina ia te outou”3 ma na teuina e Oliva Kaotui na faamaumauga mo se tausaga. Ona valaauina lea e le Alii o Ioane Uitimera “e faaauau ona tausia faamaumauga a le Ekalesia i lona talafaasolopito”4 ma na ia maua ai se folafolaga o le a tuuina atu e le Alii “e na te tusia ia mea”5 ona o lona faatuatua. Na a’oa’oina e Ioane Uitimera e faapea “o le talafaasolopito o le a lelei lea mo le Ekalesia aemaise le tupulaga faia’e.”6
Na manino le Alii i le auala e tausia ai nei faamaumauga, i lalo o le ta’ita’iga a le Agaga Paia.
O laupepa i le Au Paia na faatumuina i na’o mea moni na tutupu na aumai e ala i tala a tagata ta’ito’atasi o tagata faatuatua na latou atina’eina uiga faa-Keriso pe a feagai ma faigata a’o ola ai i le talalelei i le mafai e latou te mafaia ai.
Mo tagata o le ekalesia e ono fiafia e saili mea na tutupu o talafaasolopito i lona loloto, e afe punaoa o lo’o lisiina i tua o le tusi.
O ni o’u lagona mulimuli ane na fesoasoani tele ia te a’u; na ou tōmanatu ia te a’u ina ua ou toe tepa i tua i lo’u ofo tele ina ua vave lava ona ou feso’ota’i i o’u aiga paionia . . . e le gata o Margaret Bird ae o i latou uma lava! I le aluga o lenei tausaga, 2020, na ou maua ai i le FamilySearch e toatele o’u aiga paionia.
Na a’oa’o mai Elder Renlund: “E faaaoga e le Ali’i tala’aga ta’itasi e a’oa’o mai ai i tatou i auala e tatou te latalata atili ai ia te Ia, ia salamo ma avea faapei o Ia. O le faamoemoega lena na tatou o mai ai i le lalolagi, le faamoemoega lena mo le talalelei, ma le faamoemoega lena o le Ekalesia a Iesu Keriso o le Au Paia o Aso e Gata Ai”.7
Ou te faafetai i lo’u aiga ma so’otaga ua matou maua e ala i auala ese’ese o taimi ma avanoa. O lo’u faamoemoega, e i ai se aso, o le a mafai ona faitau ai e i latou e tupuga mai ia te a’u lo’u tala’aga ma lagonaina sa ou faamaumauina nei a’afiaga taua ina ia fesoasoani ia i latou e o mai ia Keriso e pei o a’u, ma taumafai ona galulue i lalo o le ta’ita’iga a le Agaga Paia.