Haʻu, ʻo Muimui ʻIate Au: Tokāteline mo e Ngaahi Fuakava
“Ko e hā mo ha toe fakamoʻoni lahi hake te ke lava ʻo maʻu ʻi ha fakamoʻoni mei he ʻOtuá?”
Tokāteline mo e Ngaahi Fuakava 6–9
(25–31 Sānuali)
Ko hono liliu ʻo e Tohi ʻa Molomoná, fai ʻe Gary Ernest Smith; Fakatātā ʻo e mapé mei he Getty Images
Ko hai naʻe kaunga ki ai ʻa e ngaahi fakahā ko ʻeni mei he ʻOtuá?
-
Siosefa Sāmita
-
ʻŌliva Kautele. Naʻá ne ʻilo fekauʻaki mo Siosefa Sāmita pea mo e ʻū lauʻi peleti koulá peá ne kole ke hoko ko ha tangata tohi lolotonga hono liliu ʻe Siosefa ʻa e Tohi ʻa Molomoná.
Naʻe hoko nai ia ʻi fē?
-
Naʻe hoko ʻa e ngaahi fakahā ko ʻení ʻi Hāmoni, Penisilivēnia.
Naʻe hoko nai ia ʻanefē?
-
Naʻe hoko ʻa e ngaahi fakahā ko ʻení ʻi he 1829.
ʻOku kaunga fēfē ʻa e ngaahi fakahā ko ʻení kiate kitautolu he kuongá ni?
Kimuʻa pea hoko ʻa ʻŌliva ko e tangata tohi ʻa Siosefá, naʻá ne lotu ke ʻiloʻi pe ʻoku moʻoni ʻa e ngāue ʻa Siosefá. ʻI he taimi ne lotu ai ʻa ʻŌlivá, naʻá ne ongoʻi ʻa e nonga mo ha fakapapau.
Naʻe kei ʻi ai pē ha ngaahi fehuʻi ʻa ʻŌliva lolotonga ʻene tokoni kia Siosefa ki he liliú. Naʻá ne toe kole ki he ʻOtuá pe naʻe moʻoni nai ʻeni.
Naʻe fakamanatu ange ʻe he ʻEikí kia ʻŌliva kuó ne ʻosi maʻu ha tali ki heʻene lotú:
“ʻIkai naʻá ku lea ʻaki ʻa e fiemālié ki ho ʻatamaí ʻi he meʻá? Ko e hā mo ha toe fakamoʻoni lahi hake te ke lava ʻo maʻu ʻi ha fakamoʻoni mei he ʻOtuá?” (Tokāteline mo e Ngaahi Fuakava 6:23).
ʻOku totonu ke tau manatuʻi maʻu pē ʻa e ngaahi aʻusia fakalaumālie ʻi he kuohilí pea tuku ke nau fakamālohia kitautolu ʻi he ngaahi taimi faingataʻá.