Haʻu, ʻo Muimui ʻIate Au: Tokāteline mo e Ngaahi Fuakava
ʻOku founga fēfē hono tāpuekina kitautolu ʻe he ongoongolelei kuo fakafoki maí?
Tokāteline mo e Ngaahi Fuakava 1
(28 Tīsema–3 Sānuali)
Tā Fakatātā ʻa Augusto Zambonato
ʻI he Tokāteline mo e Ngaahi Fuakava 1, naʻe folofola ʻe he ʻEikí, “Ko e ngaahi fekau ko ʻení ʻoku meiate au ia, pea naʻe ʻoange ia ki heʻeku kau tamaioʻeikí” (Tokāteline mo e Ngaahi Fuakava 1:24). ʻOkú Ne fakamatalaʻi mai ʻa e founga ʻe tāpuekina ai ʻa e Siasí mo hono fuofua kāingalotú ʻe he ngaahi fakahā, fekau, mo e ngaahi akonaki ko ʻeni kuo tātānakí. ʻOku kei hoko pē ʻa ʻEne ngaahi folofolá he kuongá ni.
Ngaahi Tāpuaki Maʻá e Kāingalotú
-
ʻE ala fakahinohinoʻi ʻa kinautolu ʻoku nau fekumi ki he potó (vakai ki he veesi 26).
-
Ko kinautolu ʻoku faiangahalá “ʻe lava ʻo valokiʻi ʻa kinautolu, koeʻuhí ke nau lava ʻo fakatomala” (veesi 27).
-
ʻE ngaohi ke mālohi ʻa e loto-fakatōkilaló, tāpuekina mei ʻolunga mo maʻu ʻa e potó (vakai ki he veesi 28).
Ngaahi Tāpuaki maʻá e Siasí
-
Tuí ke fakatupulaki ʻi he māmaní (vakai ki he veesi 21).
-
ʻE fokotuʻu ʻa e fuakava taʻengata ʻa e ʻEikí (vakai ki he veesi 22).
-
ʻE malanga ʻaki ʻa hono kakato ʻo e ongoongoleleí ʻe he vaivaí mo e maʻulaló (vakai ki he veesi 23).
-
Mālohi ke fokotuʻu ʻa e tuʻunga ʻo e Siasí pea ʻomi ia mei he kakapú mo e fakapoʻulí (vakai ki he veesi 30).