Ko Hono Maʻu e Mālohi Faka-ʻOtuá

ʻĪmisi

an illustration depicting the covenant path

Tā fakatātaaʻi ʻe Bryan Beach

“ʻOku fakahā ʻi hono ngaahi ouau [ʻo e Lakanga Taulaʻeiki Faka-Melekisētekí], ʻa e mālohi ʻo e anga faka-ʻOtuá” (Tokāteline mo e Ngaahi Fuakava 84:20).

Ko e Founga ke Fakalakalaka ai ʻi he Hala ʻo e Fuakavá

ʻOku mahulu hake ʻa e lakanga fakataulaʻeiki ʻoku tau maʻú ʻi ha lisi vakaiʻi pē. Naʻe akoʻi ʻe Palesiteni Tad R. Callister, ko e Palesiteni Lahi kimuʻa ʻo e Lautohi Faka-Sāpaté, “ko e ouau takitaha ʻoku malava ke maʻu ai ha mālohi faka-ʻOtua” ʻi heʻetau moʻuí.¹

ʻEkitivitií

Ngaahi naunau ʻoku fie maʻú: peni vahevahe, ko ha laʻipepa mo ha kōlomu ʻe ua kuo tohiʻi ai e “Hingoa” mo e “Palani ki he ouau ʻoku hokó pe fie maʻú.”²

Ngaahi Fakahinohinó: Lisi e mēmipa takitaha ʻo e fāmilí pea fakakaukau ki he meʻa te ne tokoniʻi kinautolu ke teuteu ki honau ouau hono hokó (kau ai e sākalamēnití). Hangē ko ʻení, mahalo ʻoku ʻi ai ha mātuʻa ʻoku ʻi ai haʻana fānau ʻoku mei aʻu hono taʻu motuʻá ki he papitaisó, pe ko ha taʻu hongofulu tupu ʻoku ʻi ai hano tokoua pe tuongaʻane ʻoku teuteu atu ke maʻu hono ngaahi ouau fakatemipalé. Te mou lava ʻo fakakakato fakataha e ʻekitivitī ko ʻení ʻi he efiafi fakafāmilí mo faʻu ha ngaahi palani pau ke fetokoniʻaki ʻi he laka atu ʻi he hala ʻo e fuakavá.

Ngaahi Tāpuakí

ʻI hono maʻu e mālohi ʻo e lakanga fakataulaʻeikí, te tau lava ʻo hoko ʻo hangē ange ko Sīsū Kalaisí. ʻE hanga ʻe he meʻa-foaki ʻo e Laumālie Māʻoniʻoní ʻo fakamaama hotau ʻatamaí mo fakamolū hotau lotó ke tau fakakaukau mo ongoʻi lahi ange hangē ko Iá .³ ʻE tokoniʻi ho fāmilí ʻi he fehokotaki kakato ange mo e mālohi ʻo e ʻOtuá, ke nau ikunaʻi e ngaahi faingataʻa kovi tahá.⁴

Fealēleaʻakí

Kuó ke maʻu fēfē e mālohí ʻi hoʻo moʻuí ʻi hoʻo kau ki he ngaahi ouaú? Te ke tokoniʻi fēfē e kau mēmipa ho fāmilí ke nau teuteu ki hono maʻu honau ouau hono hokó?

ʻĪmisi

article on receiving godly power