ʻOku Talitali Lelei Kimoutolu ki he Makasini ko ʻEní
Ko e Mālohi ʻo e Lakanga Fakataulaʻeikí
ʻOkú Ne Toe Hāʻele Mai ke Pule mo Angi, fai ʻe Mary Sauer
Naʻe tohi ʻe Palesiteni Taleni H. ʻOakesi ko e Tokoni ʻUluaki ʻi he Kau Palesitenisī ʻUluakí ʻo pehē, “Naʻe maʻu ʻe he Fakamoʻuí ha mālohi mo ha mafai faka-ʻOtua, pea naʻá Ne vahevahe ia” (vakai ki heʻene fakamatalá ‘i he peesi 6). ʻOku akoʻi mai ʻe Palesiteni ʻOakesi e faikehekehe ʻi he mafai ʻo e lakanga fakataulaʻeikí ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní mei he ngaahi siasi kehé peá ne fakamatalaʻi ʻo pehē, “ʻOku mahuʻinga moʻoni e ngaahi ouau ʻo e fakamoʻuí mo e hakeakiʻí ʻi he palani lahi ʻa e ʻOtuá maʻa ʻEne fānaú.”
Naʻe fakaʻosi ʻaki ʻe Palesiteni ʻOakesi ʻene fakaafeʻi kitautolu ke tau ʻamanaki atu ki he “hokosia ʻa e fuʻu ʻaho lahi ʻo e ʻEikí” (Tokāteline mo e Ngaahi Fuakava 45:39). ʻOkú ne ʻeke mai, “Kapau naʻa tau ʻiloʻi te tau feʻiloaki mo e ʻEikí ʻapongipongi—ʻi heʻetau maté pe ʻi Heʻene hāʻele maí—ko e hā te tau fai ʻi he ʻaho ní?”
Ko e ngaahi fakamatala kehe te ne tokoniʻi hoʻo ako e Haʻu, ʻo Muimui ʻIate Au ʻo e Tokāteline mo e Ngaahi Fuakavá, ʻoku maʻu ia ʻi he peesi 26–33.
Ko e kaveinga mahuʻinga ʻe taha ʻi he makasini ko ʻení, ko hono matuʻuaki e moʻui lelei fakaeʻatamaí mo e fakaelotó. Te tau lava ʻo fehangahangai lelei ange mo hotau ngaahi ʻahiʻahí ʻi heʻetau fetokoniʻaki ʻi he ngaahi taimi faingataʻá mo ako ke fili ki he ngaahi tuʻunga fakakaukau te ne tokoniʻi kitautolu ke tau kātekina leleí. ʻOku fakataumuʻa e ngaahi fakamatala lahi ke ne akoʻi kitautolu ki he anga hono fakahoko tonu iá (vakai ki he peesi 12, 16, 18, mo e 20).
Talamai ke mau ʻiloʻi pe naʻe ʻaonga mo ueʻi fakalaumālie koe ʻe he ngaahi fakamatalá ni mo e ngaahi fakamatala kehe ʻi he makasiní. Te ke lava ʻo fetuʻutaki mai kiate kimautolu ʻaki hoʻo ʻīmeili ki he liahona@ChurchofJesusChrist.org.
Fakaʻapaʻapa atu,
Ryan Carr
Tokoni ʻĒtita Pule ʻo e Liahoná