Երեց Ջեյմս Վ․ ՄակՔոնկի III

Բարձրագույն Իշխանություն Յոթանասունական

Երբ երեց Ջեյմս Վ․ ՄակՔոնկի III 1990 թ․-ին ժամանեց Չեխոսլովակիա որպես երիտասարդ միսիոներ, երկիրը դուրս էր գալիս կոմունիզմից և արթնանում էին կրոնական ազատությունները։ «Ես ճիշտ ժամանակին ճիշտ վայրում էի գտնվում», - ասում է նա։

Ավելի ուշ նա վերադարձավ այդ տարածք որպես երիտասարդ մասնագետ և հասարակական կազմակերպության համահիմնադիր, իսկ ավելի ուշ ծառայեց որպես Չեխիա/Սլովակիա միսիայի նախագահ։

Երբ նա 12 տարեկան էր, ծնողները նրան խնդրում էին ուսումնասիրել Եկեղեցու ղեկավարների գրքերը և քննարկել կարդացածը։ «Հայրս և մայրս հավատում էին իրենց երեխաներին ավետարանը ուսուցանելու կարևորությանը, ինչպես առաջարկվում է Վարդապետություն և Ուխտերում», - ասում է Երեց ՄակՔոնկին։ Բաժին 68-ը հրավիրում է ծնողներին ուսուցանել իրենց երեխաներին ապաշխարության վարդապետությունը և հավատք առ Քրիստոս (հատված 25)։ Ծնողներս դրան շատ լուրջ էին վերաբերվում»։

Մարդկանց փոխելու ավետարանի զորության զգացողությունը խորապես հաստատվել էր նրա հոգում։ Նույնը նա տեսնում էր Չեխիայի Հանրապետության և Սլովակիայի ժողովրդի կյանքում։

Երեց Ջեյմս Վիլսոն ՄակՔոնկի III-ը ծնվել է 1971 թվականի օգոստոսի 27-ին Սոլթ Լեյք Սիթիում (Յուտա, ԱՄՆ), Ջեյմս Վիլսոն ՄակՔոնկի II-ի և Ջուդիթ Միլլեր ՄակՔոնկիի ընտանիքում։ Նա ամուսնացել է Լորել Սպրինգերի հետ 1995թ․-ի հուլիսին Սոլթ Լեյքի տաճարում: Նրանք ունեն չորս զավակ:

Երեց ՄակՔոնկին 1995-ին ավարտել է Յուտայի համալսարանը՝ ստանալով պատմության գծով բակալավրի աստիճան, իսկ իրավաբանի աստիճանը ստացել է 1999 թ.-ին՝ Ջորջ Վաշինգտոնի համալսարանի ազգային օրենքի կենտրոնից։ Վերջին տարիներին որպես փաստաբան աշխատել է Վորկմեն Նայդեգեր ընկերությունում և որպես տնօրեն՝ Վոլըս Տորոնտո հիմնադրամում, որը հիմնվել է նաև իր օգնությամբ։

Երեց ՄակՔոնկին այս պաշտոնին կանչվելու պահին ծառայում էր որպես ցցի նախագահ։ Նա նաև ծառայել է որպես եպիսկոպոս, բարձրագույն խորհրդական, ծխի միսիայի ղեկավար, երեցների քվորումի նախագահության խորհրդական, միսիայի նախապատրաստման ուսուցիչ, ավետարանի վարդապետության ուսուցիչ և ծխի Երիտասարդ տղաների նախագահ։