Երեց Ռայըն Կ․ Օլսեն

Բարձրագույն Իշխանություն Յոթանասունական

Երբ Երեց Ռայըն Կ․ Օլսենը մեծանում էր Սենդի քաղաքում (Յուտա, ԱՄՆ), նրա ծնողները երբեք չէին թույլ տալիս, որ նա դուրս գա տնից` առանց այս կարևոր հիշեցման․ «Հիշիր, թե ով ես դու»։

«Երբ երիտասարդ տղա էի, դա ինձ չափից դուրս նյարդայնացնում էր», - ասում է նա ծիծաղելով։ «Բայց այդ խոսքերը օգնեցին ինձ հիշել իմ աստվածային ինքնությունը։ Դրանք օգնեցին ինձ հիշել, որ ես ունեմ Երկնային Հայր, որը սիրում է ինձ, և Փրկիչը իմ լավագույն ընկերն է։ Միայն Նրա միջոցով է, որ մենք կարող ենք հուսալ անել կամ իրականացնել ինչ-որ բան»։

Ծնողների, գործընկեր միսիոներների, Եկեղեցու աշխատակիցների և բիզնեսում իմաստուն մենթորների օրինակը և այդ վերահաստատող ինքնակողմնորոշումը արժեքավոր գործիքներ են, որոնք Երեց Օլսենը կօգտագործի՝ որպես Բարձրագույն Իշխանություն Յոթանասունական իր ծառայության մեջ։

Ռայըն Քըրկ Օլսենը ծնվել է 1974թ․-ի հոկտեմբերի 11-ին և մեծացել է Յուտայի Սոլթ Լեյք Հովտում, Քըրկ և Քեթի Օլսենների ընտանիքում։

Լատինական Ամերիկայի և իսպաներենի հանդեպ Երեց Օլսենի սերն ավելի ամրապնդվեց, երբ նա լիաժամկետ միսիա ծառայեց Արգենտինա Ռեզիզտենցիա միսիայում։ Ավելի ուշ նա իր կնոջ՝ Ջուլի Դորրինմգտոն Օլսենի հետ 2016–2010 թթ․-ին նախագահեց Ուրուգվայ Մոնտեվիդեո Վեստ միսիայում:

Նա և Քույր Օլսենը ամուսնացել են 1998թ. նոյեմբերի 20-ին Սոլթ Լեյքի տաճարում: Նրանք ունեն չորս զավակներ:

Բարձրագույն Իշխանություն Յոթանասունական կանչվելու պահին Երեց Օլսենը ծառայում էր որպես Տարածքային Յոթանասունական։ Նա նաև ծառայել է որպես ցցի նախագահ, ցցի միսիայի նախագահ, բարձրագույն խորհրդական, եպիսկոպոս, եպիսկոպոսության խորհրդական և ծխի Երիտասարդ տղամարդկանց նախագահության խորհրդական։

Երեց Օլսենը հանրային հաղորդակցման գծով աստիճան է ստացել Յուտայի Համալսարանում, աշխատել է բիզնեսի դաշտում տարբեր ոլորտներում։ Միսիայի նախագահ կանչվելուց առաջ նա եղել է Arthur J. Gallagher & Co. Միջազգային ապահովագրական ընկերության տարածքային նախագահը։ Որպես Յոթանասունական կանչվելու պահին նա աշխատում էր որպես այդ ընկերության տարածքային ավագ փոխնախագահ: