ʻOku ʻi Heni ʻa e Siasí

Suva, Fisi

Faitaaʻi ʻe Kyle Post

Ko Fisí ko ha fonua ia ʻoku fengāueʻaki ai e ngaahi anga fakafonua mo e matakali kehekehe. Naʻe hoko e fuofua papitaiso ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻi Fisí ʻi he kolomuʻa ko Suvá ʻi he 1953. ʻI he ʻaho ní, kuo maʻu ʻi he Siasí ʻi Fisi ha:

• (fakafuofua ki ha) kāingalotu ʻe 22,150

• Siteiki ʻe 4, uooti mo e kolo ʻe 51, misiona ʻe 1

• temipale ʻe 1

ʻI he Uho ʻo e Ongoongoleleí

ʻI he kolo he moʻunga mamaʻo ko Nasivikosó, naʻe fiefia ʻa ʻIliseva Seitupe mo hono husepāniti ko Tuivuna Mānoá ʻi heʻena mamata ki he tupulaki ʻena fānaú. Ko e ngaahi vā fetuʻutaki fakafāmilí ko e uho ia ʻo e ongoongoleleí ʻi Fisi pea ʻi he funga ʻo e māmaní.

Ngaahi meʻa lahi ange fekauʻaki mo e Siasí ʻi Fisí

• Ngaahi moʻoniʻi meʻa, sitētisitika, mo e hisitōlia ʻo e Siasí ʻi Fisí.

• ʻOku ʻaʻahi ki Fisi ʻa Palesiteni Lāsolo M Nalesoni mo ʻEletā Keleti W. Kongo ʻo e Kōlomu ʻo e Kau ʻAposetolo ʻe Toko Hongofulu Mā Uá.

• Hili e mālōlō ha fānau ʻe toko ua, ʻoku mataʻikoloa ʻaki ʻe ha ongomātuʻa ʻi Fisi ʻa e ʻilo ko ia ʻoku taʻengata ʻa e fāmilí.

• Ko e mēmipa paionia ʻo e Siasí ʻi Fisí ʻokú ne fakamatala ki he ngaahi tāpuaki kuo ʻomi ʻe he ongoongoleleí ki hono fonuá.

ʻOku taʻataʻalo ʻaki ʻe ha kiʻi tamasiʻi ʻa e fuka fakafonuá ko ha fakafeʻiloaki ke talitali lelei ʻa Palesiteni Lāsolo M. Nalesoni mo e kau taki kehe ʻo e Siasí ki Fisi ʻi he 2019.

Naʻe toe fakatapui e Temipale Suva Fisí ʻi he 2016 ʻe Palesiteni Henelī B. ʻAealingi, Tokoni Ua ʻi he Kau Palesitenisī ʻUluakí.

ʻOku kau fakataha ʻa Sisitā Lepeka L. Kuleiveni, ko e Tokoni Ua ʻi he Kau Palesitenisī Lahi ʻo e Kau Finemuí (ʻi loto mālie ʻi toʻomataʻú), mo e houʻeiki fafine ʻi Fisí hili ha fakataha lotu ʻi he 2019.

Naʻe fakataha ʻa ʻEletā Lānolo A. Lasipeni ʻo e Kōlomu ʻo e Kau ʻAposetolo ʻe Toko Hongofulu Mā Uá mo hono uaifi ko Melanií mo e kau takí mo e kāingalotú lolotonga ha ʻaʻahi ki Fisi ʻi he 2019.

Hangē ko e fānau ʻi ha feituʻu pē, ʻoku fiefia ʻa e fānau ʻi Fisí ʻi he vaʻingá mo e fiefiá.

Neongo ʻoku lahi e ngaahi kolo lalahi ʻo Fisí, ka ʻoku nofo ha tokolahi ʻo e kakaí ʻi ha fanga kiʻi kolo iiki.

ʻOku fiefia ʻa e kau talavoú ʻi heʻenau feohi ʻi he Lakanga Taulaʻeiki Faka-ʻĒloné ʻi Fisi ʻo hangē ko ia ʻi he Siasí he funga ʻo e māmaní.

ʻOku lea ʻa Palesiteni Lāsolo M. Nalesoni ʻi ha fakataha lotu ʻi Fisi ko ha konga ʻo ʻene ʻaʻahi ngāue fakaetauhi ʻi he Pasifikí ʻi he 2019.

Naʻe fakamāvae ʻa Sisitā Uenitī Nalesoni, Palesiteni Lāsolo M. Nalesoni, ʻEletā Keleti W. Kongo ʻo e Kōlomu ʻo e Toko Hongofulu Mā Uá, mo Sisitā Sūsana Kongo hili ha fakataha lotu ʻi Fisi ʻi he 2019.

ʻOku faingāue ʻa e kau maʻu lakanga fakataulaʻeikí ki ha kiʻi tamasiʻi naʻe puke ʻi Fisi.

Hangē ko e ngaahi motu lahi ʻo e talopikí, ʻoku ʻiloa ʻa Fisi ʻi he fakaʻofoʻofa e tō ʻa e laʻaá.