“Te Tau Tauhi Fēfē Nai ʻa e Fuakava Foʻou mo Taʻengatá?” Liahona ʻOkatopa 2022.
Haʻu, ʻo Muimui ʻIate Au
Te Tau Tauhi Fēfē Nai ʻa e Fuakava Foʻou mo Taʻengatá?
Fakaikiiki mei he Christ at Emmaus [Kalaisi ʻi ʻEmeasi], tā fakatātā ʻa Carl Heinrich Bloch
Naʻe folofola ʻa e ʻEikí ʻo fakafou ʻia Selemaia, te Ne “fai ai ʻa e fuakava foʻou mo e fale ʻo ʻIsilelí, pea mo e fale ʻo Sutá” (Selemaia 31:31). Naʻe fakahoko ʻa e talaʻofa ko ʻení ʻi hotau kuongá ʻi he “toe fakahā mai ʻa e fuakava foʻou mo taʻengatá ki he tangatá ʻi he māmaní ʻe Sīsū Kalaisi ʻo fou mai ʻi he palōfita ko Siosefa Sāmitá. … Ko e taimi ko ia ʻoku tali ai ʻe he kakaí ʻa e ongoongoleleí pea nau palōmesi ke tauhi ʻa e ngaahi fekau ʻa e ʻOtuá, ʻoku fuakava leva ʻa e ʻOtuá ke foaki mai kiate kinautolu ʻa e ngaahi tāpuaki ʻo ʻene fuakava foʻou mo taʻengatá.”1
Fakakaukau ki he ngaahi fehuʻi ko ʻení ʻi hoʻo ako ʻa e Selemaia 31:
-
Ko e fē e feituʻu ʻe “tohi” ai ʻe he ʻEikí ʻEne fonó? (vakai, veesi 33).
-
Ko e hā ʻe fai ʻe he ʻEikí maʻatautolu kapau te tau tauhi ʻetau ngaahi fuakavá? (vakai, veesi 34).
-
Ko e hā ʻe fai ʻe he ʻEikí kapau he ʻikai ke tau tauhi ʻEne fonó? (vakai, veesi 36–37).
Naʻe akoʻi ʻe ʻEletā D. Toti Kulisitofāsoni ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo pehē, “Ko e fuakava foʻou mo taʻengatá ʻa e ongoongolelei ʻo Sīsū Kalaisí. Ko hono fakalea ʻe tahá, ʻoku faʻufaʻu ʻe he ngaahi tokāteline mo e ngaahi fekau ʻo e ongoongoleleí, ʻa e uho ʻo e fuakava taʻengatá ʻi he vahaʻa ʻo e ʻOtuá mo e tangatá, ʻa ia naʻe toe fakafoki foʻou mai ʻi he kuonga fakakosipeli takitaha.”2